上個月尾放假已經想帶小王子仔玩，但佢話唔來，因為我想睇埋套電影，小王子好怕入戲院，因為怕黑之餘仲怕嘈，通常音響都會好大聲，所以不喜歡。
今日來的原因，因為我放成個星期有多諗唔到去邊，所以今日就安排來玩，加上今日係其中一日屁屁會來會場其中一日，而電影睇下到時小王子情況而決定。
星期一見到阿嫂有問到有冇睇屁屁電影，佢話睇左了，買左飛大細孖先講係電視睇過了，原來電影是2集的卡通，我見咁樣可以慳返唔睇電影了。
我和小王子在附近吃過午餐就行去〝屁屁偵探特展香港篇〞會場。
職員會比一本偵探手冊和一支鉛筆，並講解玩法就開始查案了。
我影相，小王子唔擺出唔耐煩的模樣。
穿過垂簾後就開始了。
一入去就見到屁屁現身，可惜小王子驚到躲在我身後，合照都要我企中間。
屁屁偵探事務所
拎起聽筒是有人講野的，但只是錄音。
汪汪警察局
這裡不懂玩，後來有職員引度我們。
小王子好專心查案。
呼呼博物館
做埋最後任務就可以解碼，試左幾次先成功解碼。
完美玻案了！噗噗！
怪盜U
影相留念先。
又話要同怪盜U合照。
跟手又入返去同屁屁影相。
破案後出去就係賣精品地方。
呢個機可以係電話揀相再印出來，當然有屁屁相框喇！
今日係成個假期的戲肉，就係去愉景灣的〝Epicland〞放電。
我在家出發搭港鐵去到欣澳，然後出閘前行約2分鐘就會到〝DB03P-由欣澳至愉景北商場〞，這架到總站落車後向後行，過左停車場再前行，右邊見到有幾級樓梯行上去，再向前行就見〝Epicland〞。
這裡可以睇到DB03P的班次時間：https://hkbus.fandom.com/wiki/%E6%84%89%E6%99%AF%E7%81%A3%E5%B7%B4%E5%A3%ABDB03P%E7%B7%9A
欣澳站仲有另一架車〝DB03R-由欣澳至愉景廣場〞，但這架到總站要再轉車去或者要行十幾分鐘先到，夏天行真係人都癲，所以我唔建議搭〝DB03R〞。
Epicland
網上預約：https://www.epiclandhk.com/
由於小王子7歲屬於1-8歲的範圍，所以我只要買一張票就可以包一大一小，我買的是下午場$208，如你買上午場就是$188，而65歲以上或孕婦就每位$100和一歲以下是免費入場。
小王子玩埋出年後我都要付費入場了，因為9-13不需要大人陪同入場。
這裡要網上預約左先，當日見有人walk-in撲空了，因全場爆滿。
我地2個戴上手帶，小王子已急不及待去玩，我話你都等我租左locker先，只要你比$10+$100按金就可以了。
仲有你要脫鞋再換對防滑襪先，因為未來過唔知場地如何著定冇壞。
下午場係2:30開始，我約3點去到，Locker和擺鞋都地方都乜得揀了，所以去就要早一點了。
每次入場前都要消毒雙手，不過你唔記得職員都會提你架！
你睇下小王子都唔等我就落去了。
影幅相先喇！
睇下小王子周圍跑幾開心，我怕佢撞到人，好在都冇。
小朋友真係好有活力。
小王子最鍾意呢到，玩左好耐都唔走，於是我就同佢傾，如果你只係玩呢到的話下次我就不來了，因為呢樣玩意好多地方都有，我不用來咁遠，你可以試下其他設施，可能你又會喜歡呢？
於是，小王子去左排彈床。
第一次佢自己入去玩，仲話咁快就完，佢睇到個Timer set左2分鐘~哈~哈！
之後我都陪佢一齊玩左好多次，當日我本身肩頸痛，跳完更加痛，而且我腰都痛埋，真係攞左我條老命了。
呢條滑梯太直，我真的不敢玩。
小王子去左隔離玩積木。
有攀石和行木樁，全部都有安全措施。
小王子仲未攰。
小王子上左去再落返嚟！呢個我真係爬唔到上去，因為雙腳好痛。
我氹左好耐小王子先肯去玩，因為佢又想去玩射槍果到。
場內都有一啲設施啱BB玩，好似3歲以下入場不收費。
玩到4點幾我開始肚餓，我等到5點幾先問小王子食唔食野，佢話唔食，然後繼續去玩。
我都有玩呢條滑梯，但快，我邊滑邊叫，反而小王子又冇野啵！
最後就去打哥爾夫球，手勢完全唔啱，唔緊要喇！玩下啫！
N年前朋友教過我點握皮球桿，但我都忘記左了。
擺左個靚Pose唔係唔影丫嘛！
等小王子大一點就同佢一齊玩呢個，不過都好高，到時怕我會腳震，哈~哈~！
下午場14:30 - 18:30，我怕散場太多人好亂，所以同小王子講我book到6點，小王子玩到唔肯走，又話要下次再來。
好在提早左30分鐘走，我地整理好離開，帶去的水都飲晒去左7仔買支野飲，行出來離遠見到排長龍就跑過去先，再問前面排隊的人是否去欣澳，答案是對的，好快就上車。
晚餐我地回家老公煮麵一齊吃。
今日4點幾就回家好，因為科學館已經派晒籌冇得玩。
回到家時間都唔太晏，所以又心思思去開壇了。
雪櫃有盎藍莓醬剛剛開，就整〝藍莓夾心卷〞。
一個麵糰我整左2條，第一條卷得唔好，第2條就好好多了。
製作過程：
第一條卷得唔靚。
藍莓夾心卷 Blueberry Jam Rolls
食譜來自：星級私房曲奇
材料：40塊
無鹽牛油 90克
砂糖 60克
全蛋 25克 (拂勻)
低筋麵粉 155克
奶粉 2克
發粉 1/4茶匙
入爐藍莓果醬 適量
預備：
Ø
低筋麵粉、奶粉、發粉混合過篩。
Ø 如想做波板糖曲奇，要準備竹籤。
做法：
1.
牛油以電動打蛋器打發至微白。
2.
加入砂糖以電動打蛋器打勻。
3.
分次將蛋液加入打勻。
4.
把已過篩粉類分數次加入，並輕輕用膠刮拌勻。
5.
將麵糰用保鮮紙蓋好放入雪櫃冷藏片刻。
6.
取出用棍碾成長方形 (15厘米 X 18厘米) 約3毫米厚。
7.
塗上藍莓醬。
8.
用牛油紙捲起，放回雪櫃冷藏至定形。
9.
從雪櫃取出後切6毫米厚，放上焗盤並可插入竹籤一起焗。
10. 用上火155度，下火145度或一般焗爐155度，焗14-16分鐘。
貼士：
l 在已碾開之麵糰上塗上果醬時，頂部要預留一吋空間，否則捲成後會把果醬擠出。
之前老公睇Youtubeb見到Youtuber介紹呢間野，係之前去長洲小王子例必幫襯的店，他們是姊妹店。
小王子見到就話要去，終是我就上網訂位，但原來開放2星期的期，所以到咁上下再睇。
我訂左12:30，去到可以食lunch。
間野好易搵，太子站D出口一直行就到。
呢到自助形式，行去cashier落單，然後店員會送餐，店內惑覺好舒服。
Moontone
訂位：https://inline.app/booking/moontone/princeedward
地址：Shop 440, G/F/., Portland St, Prince Edward, Kowloon, HK
未有野食，小王子睇一陣電話先。
小王子勁Like個蛋糕，我地share食，佢緊係食最多果個，仲話要叫多件，下次先喇！因為佢仲有碟意粉要食。
蛋糕個餡係乳酪味，真係好食，攪到我心思思想研究一下。
〝番茄牛肉扁意粉〞我本身有點擔心，因為小王子冇食過扁意粉，好在佢都讚。
我原本叫〝牛油果豆腐沙律〞，但話今日冇牛油果，所以叫左凱撒沙律，冇咩特別。
次次去長洲都係食莓莓角酪或芒芒角落，我成功令佢今次叫其他味。
本來叫〝小英角落〞，但又係冇，用金鑽鳳梨做的，後改〝桃桃角落〞小王子都讚。
食飽就去位於尖沙咀的〝衛生教育展覽及資料中心〞。
前排上網搵地方同小王子去玩先見有媽媽介紹這裡，我活到那麼大才知道有個咁既地方。
入面都好清靜，可能冇咩人知，所以人唔多，行到攰入去行下坐下都幾好。
有個迷你影院，但小王子打死都唔入去睇，2邊都係出入，都唔係密封，唔知點解佢咁驚。
佢自己周圍搵遊戲玩。
行到最後有樓梯上2樓的，而樓梯左邊行出去門口有看更的，直望就有厠所，當然係公厠喇！不過就好乾淨。
樓上都係有小玩意和一些資訊。
我門的公眾街市
厠所的使用守則
呢到玩遊戲要對住個馬桶感覺就麻麻地。
有得度高、磅重、又有體脂磅，我見到有婆婆玩骨質疏鬆，我又走去登記玩。
我一向以為自己有骨質疏鬆，但結果出來話幾好，當然就唔係專業人士幫你，只係有部機夾你隻腳。
跟住就去科學館，但今次去到連籌都派晒，睇下小王子幾唔開心，應承左佢下次早點出來，由朝玩到收館。
