法式經典奶油曲奇 (內附食譜)

今日又偷左一日假，因為8號風球仲未落波，咁我緊係唔放過又開壇喇！

尋晚整〝金桶奶油鳳梨酥〞仲有金桶牛油，所以試埋老師的曲奇。

唧花槍都未掌握到用法，我睇包裝盒個花唧出來唔係咁樣。

製作過程好快，但唧花就用得多時間。

我唧完唔得，再剷起再唧過。

味道好食，曲奇好鬆。

製作過程：

• 我整左74塊。

法式經典奶油曲奇

食譜來自：https://www.youtube.com/watch?v=okpodc6aZfQ

材料：

金桶奶油                                 200克 (可用普通無鹽牛油代替)

糖粉 (過篩)                            60克         

玉米粉 (過篩)                       60克 (可用普遍低筋麵粉代替)

低筋麵粉 (過篩)                  200克

做法：

1.       全部材料加入攪拌均勻大約30秒至1分鐘。(防止粉噴出來)

2.       用中速打30秒。(若黏手可加少少高筋麵粉)

3.       取出麵糰放在枱上，表面和底部都撒上手粉。(手粉=高筋麵粉)

4.       搓成長條狀，分割3份。(麵糰不黏手)

5.       麵糰放入餅乾槍中，然後枱上鋪毛巾櫈幾下，麵糰就會輕易聚集一起。

6.       上火160 下火160，烘焙20-25分鐘。(有一點上色就可以)

貼士：

·         沒有玉米粉可用普遍低筋麵粉代替，分別在玉米粉可降低蛋白的含量，等你唧出來的速度和晝好會更好。

·         曲加沒有雞蛋，加小包的乾燥劑可以保存很久。

金桶奶油鳳梨酥 (內附食譜)

今日2點幾收到公司通知可以3點走人，因為5點幾掛8號風。

我回到家同小王子做功課和溫書，然後又開壇了。

我而家基本上一有時間就整，因之前團火熄左，停好耐冇整，趁團火熄前整多一點。

我好鍾意食鳳梨酥，以前間中都有整下，但其中一樣材料搵唔到後就冇再整。

有次去烘焙店見到有鳳梨餡，所以就買家先。

餡我一向都是買現成的，自己煮不了，因為會手跛。

我睇呂昇達老師的片有教鳳梨酥，所以就趁今日動工。

老公和小王子都讚，小王子仲要唔準拎走全部都要留返比佢。

最後，老公要左2粒，小王子要左5粒，其他就送人了。

製作過程：

• 鳳梨餡我冇加到新鮮檸檬皮。

金桶奶油鳳梨酥

食譜來自：https://www.youtube.com/watch?v=RHsBvpv7S0k

材料：30g / 16個

金桶奶油                               150克

純糖粉 (過篩)                    30克

雞蛋                                         30克

二砂糖                                    20克

低筋麵粉                               230克

全脂奶粉                               30克

鳳梨酥餡料： 20g /16個

依思尼奶油鳳梨餡           320g

新鮮檸檬皮                          0.5顆

做法：

1.       金桶奶油+純糖粉用慢速(KA：2-4度)攪拌30秒，中速(KA：6度)攪拌1分鐘。

• ·         KA攪拌機慢速：2-4度，中速：6度。

2.       攪拌機運行中就將雞蛋和二砂糖攪拌均勻。

• ·         二砂糖比較粗粒與雞蛋先攪拌可將它先溶化，一陣加進去不會有顆粒的現象。

3.       中慢速攪拌，分2次加入步驟1之中，用中速攪拌約30秒均勻。

• ·         KA攪拌機中慢速：3-4度。
• ·         糖和蛋有點打發的狀態，糖又溶化。

4.       停機，加入餘下的蛋液，繼續攪拌至變白。

• ·         不需要打很發，只要一點點變色就可以了。

5.       加入低筋麵粉和全脂奶粉用刮刀稍為拌勻。

• ·         低筋麵粉不需要過篩。
• ·         低筋麵粉選蛋白質含量8-9，太低會軟身。

6.       低速攪拌至成糰，大約30秒左右，在最後10秒轉快速一點點。

• ·         麵糰都不黏手。

7.       放入塑膠袋之中冷藏30分鐘，即可。

• ·         若沒有時間可以冰過夜，明天再做，但麵糰要退冰。
• ·         鬆弛了鳳梨酥會比較不出油。

8.       鳳梨皮包餡，用包湯圓的手法，封口。

9.       用170度，放中層， 烘焙 15-20分鐘，取出。

10.   用同一樣的烤盤蓋上，然後反轉，拿起上面的烤盤，再入爐焗5-15分鐘。(全程烤25-30分鐘)

酥皮蘋果批 (內附食譜)

我見小王子早上晝班老師請了假，連下午日文班都取消了，所以今日唔出街。

唔出街就要自吸自足，咁就清材料日，將所有餘下的食材料用晒佢。

冰格仲有一塊酥皮，老公鍾意食蘋果批，立即搵下食譜先。

我見到搵到甜師奶有食譜，於是跟住整。

我落鷹粟粉時先發現有結粒，見到個汁係一粒粒，好在食落又冇野。

老公讚，可惜我應該唔會再整，因為現成酥皮又話唔好食，要自己搓又好花時。

製作過程：

• 我冇用到肉桂粉。
• 我用左一塊酥皮一開為2，所以用左食譜材料的一半，就整左2份。
• 食譜用4塊酥皮，我估係用2塊酥皮一開2，所以有4份。

酥皮蘋果批

食譜來自：https://www.youtube.com/watch?v=XWsil2Z69hA

材料：4份

蘋果 (去皮，去核)          400克

酥皮                                   4塊

無鹽牛油                           20克

糖                                       55克

鹽                                       2克

檸檬汁                               3克

水                                       35克

鷹粟粉                               10克

肉桂粉                               1克

全蛋液 (飾面)                  適量

做法：

1.          蘋果去皮去核切丁。

2.          開小火將牛油煮溶。

3.          加入蘋果攪拌均勻。

4.          加入糖、鹽、檸檬汁攪拌均勻。

l   蘋果有甜有酸，甜度請自行加減。

5.          全程開小火，大約煮10分鐘左右。

6.          將蘋果水份炒乾，煮至軟身。

l   蘋果軟身定爽口隨自己喜歡。

7.          加入水、鷹粟粉攪拌均勻。

8.          攪拌均勻後關火，加入肉桂粉。

9.          攪拌均勻，即可。

10.      倒入容器，包上保鮮紙，放涼，備用。

11.      酥皮用前室溫放軟大約5分鐘，酥皮1開2份。

12.      在酥皮一半中位置，在邊位掃上蛋液成長方形，中間不用掃蛋液。

l   天氣熱，酥皮好快變軟。

l   如酥皮黏底，可以沾上低筋麵粉。

13.      放上蘋果丁，由上而下對摺

l   餡料多少，隨自己喜歡。

14.      用手稍微捏緊，酥皮邊用叉壓出花紋。

l   記得要壓實。

15.      表面用刀劃3下。

16.      入爐前掃上蛋液。

17.      用230度，焗15-18分鐘。

l   每家焗爐溫度火力也不一樣，請自行目測。

忌廉芝士曲奇 Cream Cheese Cookies (內附食譜)

家中雪櫃仲有少少忌廉芝士，我就諗下寫個食譜先，唔想整蛋糕就整曲奇喇！

我認我係懶又心急，所以食譜的忌廉芝士和牛油都係凍，直接係雪櫃取出即刻整。

仲要全程用手連機都唔駛開，真係超方便和簡單。

我想落多啲巴馬臣芝士粉，但原來得番咁多咋！

下次研究過一個特濃芝士味既先。

忌廉芝士曲奇 Cream Cheese Cookies

材料：30塊

無鹽牛油 (凍)             50克

忌廉芝士 (凍)             50克

低筋麵粉                      100克

糖霜                              50克

泡打粉                          1/4茶匙

巴馬臣芝士粉              17克

麵糰重：265克

做法：

1.          無鹽牛油、忌廉芝士從雪櫃取出，切粒約1CM大小，加入鋼盆內。

2.          將全部材料加入 (1) 中，用手接壓成糰。

3.          麵糰分割成30粒，每粒約8-9克。

l   搓圓後麵糰表面有紋沒有問題的，不用搓到光滑。

4.          麵糰搓圓放在焗盤上，然後輕力壓一下，將它稍壓扁。

5.          用175度，放中層，焗15分鐘。