尋日終於考埋最後一個筆試了，午餐仲同阿Sir食左餐謝師宴添！
我做卷時都有唔識留空，到覆卷時再諗，大家唔識果啲事後問阿Sir，當然有啱亦有錯，所以我都預左要補考。
今日自己出來鬆一下，預備我要回去溫書，亦都要幫小王子溫書，因下星期小王子都要考試。
幸好，午餐時收到班長通知話阿Sir話我地全班筆試都合格，成個人鬆晒。
回程時等老公既美團晚餐攪到比預期中遲離開深圳，返到香港又塞車。
小王子晚上7點在家附近補習，我叫小王子等埋我，食埋晚餐先去補習，攪到佢遲到。
今日真係又熱又攰了，行到雙腳都抽筋。
**********************************************************************************
上次來甘坑古鎮(佛誕深圳@2023 Day 2)唔夠時間，唔夠時間行之餘，亦睇唔到想睇的壁晝。
今日終於搵晒想睇的壁晝，自由慢慢行~捨意。
網友話行十分鐘就到，但上次覺得唔止，所以我係甘坑站B出口地面開始計時，真係十分鐘到就到，可能上次趕時間又可能同行朋友多，而且有小王子，所以行得慢。
甘坑古鎮
地址：中國廣東省深圳市龍崗區布吉吉華街道甘李路18號 (甘坑站 B 出口)
備註：24小時開放，免費入場。
入鎮第一幅見到的壁晝，但唔係我想睇的。
上到嚟緊係飲杯啡先喇！我微信話我密碼不對不能付款，唔知係咪換左新電話關係，好在店員幫我用她的微信下單，我用AlipayHK掃佢個微信比返錢佢。
之後打比老公話微信不能付款，佢話可能我錢包地區係香港，冇轉到國內錢包，係啵！因為見網友話國內現在可以用WeChat Pay HK付款，所以上來前增值了，想試下得唔得，現在失敗了。
後來我發現自己的WeChat Pay HK未開通收付款功能，而家唔攪住返到香港先，下次再試。
係門口見到廣場先記來瑞幸同Tom and Jerry有聯乘活動，所以我都叫左杯來試。
天氣熱order凍的，冇糖都甜~好飲。
瑞幸 x Tom and Jerry：馬斯卡彭生酪拿鐵 ¥27
luckincoffee瑞幸咖啡(甘坑客家小镇店)
营业时间：周日 08:00-21:30、周一至周五 08:00-21:00、周六 08:00-22:00
地址：甘李路18号甘坑客家小镇5号楼7都一层116-5
我想去食糯米糍，所以就沿途行沿途影。
上次都來過，我一個人可以柔閒係到坐下，因為店人不多。
店冇客，過去問才同我講現在整，等左十幾分鐘先有。
糯米糍唔好食，皮有點硬，榴槤冇榴槤味，芒果唔甜又唔酸，之前食過它的榴槤千層蛋糕比它好食。
榴芒糯米糍 (2只) ¥20
榴芒一族(甘坑小镇店)
营业时间：周一至周日 10:00-22:00
地址：甘李路甘坑客家小镇内商业铺8#B栋104商铺
食飽又去搵壁晝。
隻貓毛色好靚
我穿過牌坊左邊有手洗間，再向前行左邊去另一個地方，而右邊就是停車場。
於是返去去火車站底下問護衛員，他說這邊沒有壁晝，佢手指指我行左邊返去入口方面果邊。
於是我又行回頭路，邊影邊搵，每一個地方我都行過去，怕有遺留。
終於搵到一幅，係上邊幅荷花池果到。
又搵到一幅
這幾幅不是我喜歡的。
仲有2幅想睇的還未找到，終是我就問國內遊客，佢指了方向給我都找不到，我再問其中一間商店的店員，佢指我向上行，最終找到了。
我在小巷中不停穿梭幾次，仲係有一幅，再問左2個穿漢服的少女，佢話佢地影左，但唔係好記得係邊，叫我去手洗間果邊搵。
這裡有幾個洗手間，我估佢話最近果個，去到都係唔見，再行下搵下。
剛才來的時候這條巷有人，現在冇人真係好。
影完本來唔行入去，但怕最後想睇的就係這，所以都係行入去睇下。
原來這幅真係在這巷內，我搵得你好苦。
任務完成可以出發食午餐了，回程沒有行沿路，因為過唔切馬路，而且此時正午沿路冇遮擋，所以我直行就算，到地鐵站口過返馬路就行，這邊間中有大廈做遮擋好一點。
甘坑仲有一個地方想去，但要搵路都係下次有機會先。
我又係趁老公唔係到食佢唔食得的蟹和他唔喜歡的韓國餐。
地圖顯示會展中心站A1出口，我係A出口出，入左UHA Plaza，都冇指示A1出口，只見左右都有扶手電梯上地面，我就揀左卓悅中心方向 (右邊扶手電梯)。
上到地面前行過對面馬路，是皇庭中心，但係寫字樓，唯有再向前行過馬路睇下，見到也是皇庭中心，見有食店牌就入去睇下，見有扶手電梯落，指住下面是地鐵站和食店，心諗唔係上次瑞幸咖啡果到吖麻。
落到去真係，間野仲要係瑞幸咖啡旁，早知係地下街行啦！
店的燈好暗好似打洋咁，好在有枱年青人，但枱上沒有食物，佢地開住電腦。
我係美團買餐，季節限定：暖fufuの豆腐湯一人食 ¥48.8
海鮮‧螃蟹海鮮‧豆腐湯 (配飯) ¥68
拉面 (1份) ¥5
歐媽尼拿手小菜 ¥5
餐內有幾款食物揀，我就揀左上面果啲。
蟹細隻冇咩肉，但有好多蜆，個湯好飲。
豆腐家dubujib (皇庭中心店)
營業時間：周一至周五 11:00-14:30 17:30-21:00、周六,周日 11:00-21:00
地址：金田路皇庭中心负一楼（选会展中心A1出口）
我又要開始為老公和小王子的晚餐奔走了，小王子想要鮑師傅的〝奶香提子酥〞，本想行去卓悅中心買，但2點幾時間趕都係唔去，又想叫美團，又要夠 ¥30才可order，加上淘寶的良品鋪子已貨到，所以放棄唔買。
我要做下運動先，行去福田CoCo Park，買銅鑼燒比小王子和自己明天早餐。
我問左店員銅鑼燒可以常溫2小時，佢都有比冰種我，但冰種已經溶晒，唔知佢比我做咩？
奥利奥芝士 ¥16 (小王子早餐)
柚柚麻薯 ¥16 (我早餐)
泽田本家·铜锣烧(星河COCO Park店)
营业时间：周一至周日 10:00-22:00
地址：福华三路星河COCOPark1楼L1098B号
前日小王子叫我買杯啡回來比佢飲，有奶咁遠水路有危險，所以拒絕了。
買銅鑼燒前路過混果汁就買橙汁比小王子。
每日維C陽光橙 (100%橙汁) ¥26
混果汁(COCO Park店)
营业时间：周一至周日 10:00-22:00
地址：福华三路星河COCOPark北区负一层B1S-138A、138B商铺
頭先行去福田CoCo Park有計時，因為怕唔夠時間，回去就搭地鐵去皇庭廣場，好在行過來都係10分鐘內，所以就行去皇庭廣場。
我由會展中心站C出口入去皇庭廣場，立即叫美團訂煲仔飯比老公做晚餐，但入到去已收到不訊號，不停行搵到訊號為止。
終於order完成，但彈出來時間係16:15-16:30才開始送，頭先order可能太趕睇漏左揀現在配送，上次都見到有得揀。
我立即聯絡商家，要求現在配送，佢話睇下，但冇再覆，終是我就聯絡騎手，佢話趕時間又order咁遠，不過，佢都好好話有就立即送比我。
騎手係16:15就送到，仲要係女騎手，真的感謝她。
老公晚餐，好味，但油左一點，另加果條臘腸好味唔肥。
豉汁排骨煲仔飯+自選炖湯 ¥36.8
腊腸一條 ¥5.88
煲仔正·老广州煲仔饭(燕南店)
地址：燕南路桑达工业区400栋燕南路87-2
我去左卡瑪王子買早餐比小王子，係！又係小王子早餐。
卡玛王子(皇庭广场LAB店)
营业时间：周一至周日 10:00-22:00
地址：福华三路118号皇庭广场G-7（会展中心站C出口）
買飯糰比小王子做晚餐，飯糰拎到返屋企唔好食。
厚燒雞排飯糰 ¥18
米陀饭团(皇庭广场店)
营业时间：周一至周日 10:00-22:00
地址：福华路皇庭广场G层32A号（COCO都可对面）
買齊晒野可以回家了。
