北海道3.6牛奶布丁

整〝藍莓焗原味芝士蛋糕〞有剩淡忌廉，所以就整埋〝北海道3.6牛奶布丁〞。

朋友又係大讚，仲話應該整大杯啲，因為唔夠喉。

真係多謝大家賞面，好在咁耐冇整都冇失手。

藍莓焗原味芝士餅 (內附食譜)

這個食譜係我好耐之前一個Blog友仔既食譜，我用左好多年。

今日去朋友家開聖誕大餐，朋友們要求我整蛋糕，我就揀左呢個。

尋日公司早放，立即回家焗，點知個焗爐門又甩左一邊，好在強行整都可以關門。

我一向都係用卡夫忌廉芝士，但得200g 或 1kg，200g又唔夠，但1kg又太多，最後揀左鐵塔牌，因為有500g。

每個朋友都話好味，但我覺得芝士味唔夠濃，下次都係用返卡夫。

藍莓焗原味芝士餅

        

消化底材料：

無鹽牛油 (溶液)            25克

消化餅                            4塊(60克)

做法：

1.          消化餅壓碎，加入牛油溶液撈勻。

2.          倒入蛋糕模內壓平，放入雪櫃。

芝 士 餡 材 料 :  

忌廉芝士 (室温)      350 g 

砂糖                         76 g 

無鹽牛油 (座熱)      66 g  

雞蛋                         99 g (2隻)

淡忌廉                     44 g  

餅 面 材 料 : 

藍莓醬 80-100 g  / 生果 ~ 少許裝飾

做 法 :   

(1)      放入忌廉芝士 + 砂糖在缸內用 (1号速) 打 2-3 分鐘打至軟身。

(2)      放入雞蛋 (分2次加入) 攪拌均，刮下紅邊芝士漿。

(3)      停機 ..... 加入淡忌廉 (拌勻) ~ 用 (1号速) 打至軟身 。

(4)      加入已預先預熱牛油溶液後 (慢慢拌勻) 。

(5)      將芝中漿倒入模圈內，再放入焗盤上 ( 焗盤上再注入少許熱水 ) 。

(6)      焗爐焗 180-200 度火 / 40-45 分鐘至芝士餅發起及餅邊變成棕色。

(7)      從焗爐取出蛋糕，放涼大約 15-30 分鐘後脫模。

(8)      將藍莓醬塗在芝士蛋糕中央 ，待凉後即可玖入雪櫃雪凍後切件食~更佳 。

西多士 (內附食譜)

每星期日送左小王子上興趣班，我和老公都會去食個茶餐，我每次都會叫西多士。

今日自己動手做，不過，明天茶餐都會叫西多士架！哇~卡~卡~

西多士

材料：2份

無皮方包                    4塊

煉奶                            適量

雞蛋                            3隻

鮮奶                            2湯匙

牛油                            適量

糖漿 / 煉奶              適量

做法：

1.          雞蛋+鮮奶打勻，平均分2份。

2.          2塊方包中間搽煉奶。

3.          將方包浸在雞蛋鮮奶液中。

4.          兩邊用叉吉幾下， 每邊浸10分鐘。

5.          用半煎炸形式，煎至兩邊金黃。

6.          趁熱塗上牛油、切件，沾上糖漿或煉奶，即成。

貼士：

l   雞蛋加鮮奶令到麵包更易吸收蛋液。

l   每邊浸10分鐘令到麵包中間也能吸收蛋液。

l   用叉吉麵包使蛋液更易吸收。

USRC Playgroup

今日小王子學校教師發展日放假一天，所以我同老公都請假陪佢一日。

前排網上睇到有個媽媽介紹〝USRC Playgroup〞，收費唔貴，又有簡單野飲又有消化餅食，當然供應量不多。

我去到門口寫住只開放星二和五，要去Reception買票，Reception就係palyroom之前一座building(位於右邊)。

我去到問Receptionist網上睇到話星期二至五開放，佢話係錯的，尋日都有媽媽白行一趟，好在今日係星期五，唔係小王子就會好失望。購票後要填簡單資料，就可以入去。

入到去有一位外國女仕問你係咪第一次來，然後又要填多次頭先張表，跟住要填另一張詳細既表。

交表時就會講解呢到既rules你知，呢到係free play形式，玩完要幫手執野，完場前20分鐘就圍圈唱歌、玩集體遊戲，我見小朋友都玩得好開心。外面有個男女共用洗手間，不過得一格，另外，reception果邊都有洗手間，係分開男女的。

有室內和室外的玩意

小王子一到就要玩泥膠

室內仲有其他野玩

室外都有煮飯仔玩

又可以打籃球

盪鞦韆：呢款係大個啲玩

盪鞦韆：呢款BB玩安全啲

掌握到點樣盪鞦韆

大個仔不用他人扶

USRC Playgroup

開放日子：星期二 & 星期五

開放時間：0930 - 1130

收費：$88 (一大一小)，加一個大人$35)

地址：佐敦京士柏加士居道1號 (佐敦港鐵站B2出口步行)

備註：可以去USRC Playgroup的facebook睇下，因為有時有活動星期二或五都未必會開。

之後行去尖沙咀海港城行下

Tiffany佈置左好大棵聖誕樹係觀景台

仲泊左隻戰艦

商場仲有劉華的蠟像

頭先Tiffany有抽獎活動，小王子抽到個環保袋。

一串紅

今年學校種一串紅

希望快高長大喇！

台灣蜂蜜蛋糕 (內附食譜)

我想整台灣蜂蜜蛋糕好耐，但要用木框，我又唔想，因為木洗左乾唔透好麻煩。

近期都有唔駛用木框，但就要自己用紙皮整個框，又係麻煩。

終於，我搵到快樂姊妹花的食譜，只是要熱水浴法就攪掂。

尋日整左，然後分左2條，一條比左熊貓小姐，等佢拎返公司搵同事分享和比意見我。

另一條我就拎返公司，總括好食、味道清甜、好好味。

我全程都係用手動打蛋器，除打蛋白外。

台灣蜂蜜蛋糕

食譜來自：快樂姊妹花~台灣蜂蜜蛋糕

材料：6吋正方形

蛋黃                                4隻

菜油                                40克

蜂蜜II龍眼蜜                 40克

溫開水                           40克

高筋麵粉                      72克

蛋白                                4隻

砂糖                                45克

做法：

1.       油+水+蜂蜜攪勻後，放在小鍋，中火10-20秒，即離。

2.       用燙麵法，篩入高筋麵粉，拌勻，一口氣加入4隻蛋黃，迅速拌勻。

3.       糖分3次加入蛋白中，打發至蛋白不流動，有小彎勾。

4.       每1/3蛋白跟蛋黃糊快速攪勻。

5.       入爐前震出空氣，倒入模內，焗盤加入熱水。

6.       160度15分鐘。

7.       140度50分鐘。

8.       關爐火悶5分鐘。

9.       出爐後震出空氣。

10.   涼透後切件放入雪櫃。

原味戚風蛋糕 (內附食譜)

 平時去BBQ或者露營，因為有小王子，朋友們都不會安排我帶太多野。

呢班朋友去自己去霸爐、醃野食，所以佢地都會拖車仔去。

今日我地又約左去BBQ，所以尋晚就整左個〝原味戚風蛋糕〞來答謝大家。

不過，打蛋白打耐左啲，但朋友都話好食、鬆軟，仲叫我下次整多一個比佢。

食譜話整到一個6吋，但我用以下入份量整左4吋、6吋各一個。

我全程都係用手動打蛋器整。

 原味戚風蛋糕

戚風模型1個6吋

食譜來源：自己作職人配方自己作職人配方の戚風蛋糕

蛋黃糊材料：

蛋黃                              4個

沙拉油                         50克

牛奶                              60克

低筋麵粉                    70克

蛋白霜材料：

蛋白                              4個

細砂糖                         60克

準備工作：

1.       所有材料量秤好。

2.       蛋黃蛋白分開，蛋白可先放冰箱冷藏。

3.       低筋粉用濾網過篩。

4.       牛奶加熱至人體溫度，約36度左右。

5.       烤箱預熱至180度。

做法：

1.       蛋黃倒入鋼盆中，加入沙拉油混合。(用手動打蛋器)

2.       溫熱的牛奶加入拌勻。(用手動打蛋器)

3.       低筋粉加入後攪拌至無粉粒即完成。(用手動打蛋器)

4.       白砂糖分2次加入蛋白裡打至硬性發泡。

5.       混合蛋黃糊和蛋白霜，攪拌至無硬塊。 (避免蛋黃糊沉底，要由下往上拌)

6.       麵糊由高處入模中(可避免氣泡產生)，表面抺平後入烤箱烘烤。

7.       180度烘烤，約25-30分鐘。

8.       竹籤插入後拔出沒有沾黏麵糊即可取出。

9.       出爐後先倒扣放涼再脫模。