明天係我與老公拍拖23周年紀念日，所以今日又去staycation喇！
我同老公都試未去過既酒店，今次我地就去香港東涌世茂喜來登酒店。
每次去酒店小王子其中一樣期待既係浴缸，雖然我訂既時候remarks寫盡量安排浴缸，不過我都唔放心，所以早3日打左去酒店問，職員話睇間房形就冇浴缸，然後佢再幫我打remarks。
酒店與Citygate都有段距離，所以我問有關shuttle bus的資料，職員話係東涌站A1出口，係的士站果邊鴻福堂。
我實地去過，鴻福堂轉左手邊行過去就是。
我地搭13:30班車，入到酒店就攪check-in先，跟住就可以上房，真係好，而且Front Desk女職員好好人。
東涌→酒店時間：00、30開出
酒店→東涌時間：20、50開出
東涌→酒店：尾班車22:30
房間細，但有消毒用品提供，拖鞋都有2大1小，可以小朋友果對太細，所以我地要求多對大人。
房除左有咖啡機，而且個水煲牌子係DeLonghi，平時係雜牌。
厠所都唔係大，有個簾可以開的，個制係厠所內，但簾就係厠所外。
今次帶MewTwo去。
尋日我整左個〝草莓季巴斯克乳酪蛋糕 Basque cheesecake〞，因為唔知酒店有冇送。
Check-in時話送個蛋糕比我，我立即話我已經自備左了，職員話係朱古力蛋糕，但我地一家三口都唔食朱古力蛋糕，然後改送馬卡龍，不過老公又唔食，最後送支白酒賀我地周年紀念日，要預大約一小時才可送到。
上到房settle down後有點餓，諗住白酒和蛋糕一齊影相，於是問下白酒會否很快送到，我又想趕下班shuttle bus出去Citygate，職員話20分鐘送唔到來，我點了頭佢地自行開門入來放低支酒，當我出左去時。
正當預備出發就門鐘響，可識我影完全白酒和家福就食蛋糕，完全忘記了蛋糕和白酒影合照。
酒店張卡係手寫架！
我地行左去Citygate新果邊，最後選左食台灣野〝洪師傅〞。
食完就行下，去左珍寶珠的Pop up store，當然就有幫襯喇！小王子買糖，而我就買左支hand cream。
Pop up store 係後面仲有一些裝飾，商場有個地方仲有少少遊戲玩。
返到酒店，老公從接待處旁的玻璃門出去室外，原來別有洞天。
我地睇睇下，小王子突然指住我地後面話7仔丫！仲有其他西餐廳，有間4仲有Live Band添！
7仔營業時間：12:00-22:00
Subway營業時間：0800-22:00
果到仲有間好大既印度超市。
返上房開左酒店送既白酒飲，我飲左少少。
老公平時只係飲啤酒，但佢餘下的飲晒，佢好鍾意飲。
早餐由06:30-11:00，因為我係萬豪會員，可以帶2個11歲以下的小朋友，所以小王子今餐係免費。
食物都有好多選擇。
中式
煎蛋、粥
西式，估唔到早餐都有雪糕食。
我主力食包
再去多次珍寶珠的Pop up store。
尋晚和今日都有玩呢個遊戲。
我地再來其實是尋日玩完尋寶遊戲，但晚上7點close左，所以今日來係拎禮物，不過要下載太古app先可以換。
