Mrs. Fields Cookie (內附食譜)

老公好鍾意食〝Mrs. Fields Cookie〞，但越賣越貴。

我係多年前都搵到似既食譜，2年前都翻整過一次〝Mrs. fields曲奇〞，但唔知點解質感變左。

之後搵到另一個〝美式軟曲奇〞，都唔太似。

近日見到話還原度99%，所以決定一試。

老公話好食，但唔鍾意表面有鹽，但我又好鍾意啵！甜得嚟帶點鹽，好得意。

我用左個厚焗盤怕焗唔熟，所以用大小小火去焗，所以外圍有點脆。

曲奇中間都係軟軟的，擺多幾日會淋左啲，但都仍然咁好食。

Mrs. Fields Cookie 

食譜來自：https://blog.ulifestyle.com.hk/ginabegar/3960026/%E7%BE%8E%E9%A3%9F-%E9%9B%A3%E5%BA%A6%E4%B8%80%E7%B2%92%E6%98%9Fonly-d-%E9%82%84%E5%8E%9F%E5%BA%A699-mrs-fields-%E6%9B%B2%E5%A5%87%E8%87%AA%E5%B7%B1%E7%84%97

 材料：

中筋麵粉               240克

無鹽牛油               120克

黑糖粉                   170克

Baking Soda          3/4 茶匙

黑朱古力粒           150克

大雞蛋                   1隻

鹽                          少許

雲呢拿油               1/2 湯匙

 做法：

1. 將牛油放至室溫，加入黑糖，用打蛋器打發成軟奶油狀。

2.   加入雞蛋繼續打發。

3. 加入已過篩的麵粉、baking soda和鹽，攪拌混合至所有粉狀融合不黏手。

Ø        注意不要過分攪拌（最好不要用打蛋器），會導致起筋影響曲奇口感。

4. 加入雲呢拿油，再加入黑朱古力粒，用手搓匀。

5.   預熱焗爐180度。

6. 用雪糕勺將麵團弄成一球球，上面撒一點岩鹽或海鹽花，放入焗爐先焗5分鐘。

7. 將麵團壓平，再焗8-10分鐘。

8. 出爐時曲奇還是很軟身，放涼後就可以食。

 貼士：

·      用上濕潤的黑糖。

·      不要過度攪拌以免起筋性。

·      用黑朱古力甜度會再減少點。

·      吃不完可以用保鮮紙將一球球分好的麵團包起放冰箱，吃的時候再跟食譜焗就可以！

Mrs. fields曲奇 (內附食譜)

老公好鍾意食曲奇，有時經過Mrs. fields都會買，但價錢都唔平。

7年前係網上見到這個食譜，整過一次，7年後再整第二次。

其實，今次再整既原因係小王子下個月佢生日，學校的生日上派給同學和老師們而預演。

早上整左一次，但唔似多似~太脆，去完行回家再整第2次。

今次用左3個時間去焗：10分鐘、12分鐘、15分鐘，老公試食，佢揀左12分鐘較似。

整第二次時，因為黃糖得80克，所以我用左20克砂糖。

老公唔鍾意食朱古力，所以佢話唔好食。

後記：給左公司一個同事試，佢都覺得12分鐘最好，不過梳打味重，下次我要減份量。

Mrs.fields曲奇

材料：

牛油 (於室溫中放軟)            63g

黃糖                                        100g

雲呢拿香油                            1茶匙

雞蛋 (稍為打散)                    1隻

梳打粉                                    1茶匙

低筋麵粉                                155g

朱古力粒                                60g

做法：

1.    預熱焗爐180度，在烤盤內舖上牛油紙。

2.    把梳打粉，低筋麵粉同篩好備用。

3.    使用電動打蛋器，把牛油、黃糖和雲呢拿香油打至輕柔細狀。

4.    分兩次把雞蛋加入(3)內，每次加入時都要打勻。

5.    將已篩好的梳打粉，低筋麵粉拌入(4)，攪勻至順滑。(用橡皮勻)

6.    再加入朱古力粒。

7.    將大約1湯匙的拌料放在預備好的烤盤上，給它們空間擴張。

8.    烤12分鐘或稍呈焦黃色並熟透，移放到鐵架上待冷卻。

燕麥提子曲奇 Oatmeal Raisin Cookies (內附食譜)

這款不是脆的曲奇，健康少油少甜，帶輕微鹹味，仲要好快攪掂。

我鍾意這款曲奇，估唔到有提子老公都會食，可能因為曲奇中間軟外圍脆脆地似Mrs. Fields。

我一直以為我有紅糖，但原來係冇，所以我改用黃糖。

燕麥提子曲奇 Oatmeal Raisin Cookies

食譜來自：http://www.mrspskitchen.net/easy-raisin-oatmeal-cookies-%E8%91%A1%E8%90%84%E7%87%95%E9%BA%A5%E9%A4%85%E4%B9%BE/

材料：12塊餅乾

燕麥片            70 克

中筋麵粉       65 克

鹽                   1/4 茶匙

梳打粉            1/4 茶匙

葡萄乾            60 克

無鹽牛油        35 克

紅糖                60 克

雞蛋                1 隻

做法：

1.          先將燕麥片，麵粉，葡萄乾，梳打粉，鹽拌勻，備用。

2.          用電動打蛋器打發牛油至軟身，乳霜狀。

3.          加入糖打勻。

4.          加入雞蛋打勻。

5.          加入(1)乾材料打勻。(用橡皮杓檢查一下)

6.          用湯匙挖出麵團，放在烘焙紙上，輕輕壓一壓。(要隔有空間，因餅乾會發大) 

7.          用180度，焗約12至15分鐘，即成。

8.          焗好後，讓餅乾在烤盤上待涼十分鐘。

貼士：

l   用紅糖可令餅乾更有口感，也可用白砂糖代替。

美式軟曲奇 (內附食譜)

上次整〝Mrs. fields曲奇〞都係麻麻地，所以今日又試另一個食譜。

經過上次經驗，這款曲奇唔係太多人鍾意，雖然老公鍾意食這款，但佢唔食朱古力，所以得我一個試。

由於太夜，所以明天先試食。

美式軟曲奇

食譜來自：https://yummiehk.com/blog/2017/09/13/%E7%BE%8E%E5%BC%8F%E8%BB%9F%E6%9B%B2%E5%A5%87/

  

材料：

中筋麵粉                                           160克

無鹽牛油 (Unsalted butter)             110克

黑糖 (Light brown muscovado)        85克

黃糖 (Dark Brown Soft Sugar)          35克

入爐朱古力/巧克力釘(少甜)           130克

雞蛋                                                   1隻

天然雲呢拿精華/香草精華              1茶匙

梳打粉                                               1/4茶匙

鹽                                                       1/8茶匙

做法：

1.          無鹽牛油放在室溫中至軟，加入黑糖和黃糖，先以手動略拌，以免材料飛散。

2.          再以電動攪拌器低速打勻，中途以長膠刮把盤邊的材料撥回中央，才繼續打。

3.          加入雞蛋及天然雲呢嗱精華拌打至均勻。

4.          麵粉、梳打粉及鹽過篩，分兩次拌入，中途以長膠刮把盤邊的材料撥回中央，才繼續攪打。

5.          加入朱古力釘，以膠刮拌勻。

6.          以挖水果球的勺子搯起麵糊，放在鋪了矽膠墊的烤盤上，每球麵糊約相隔一吋。如無矽膠墊，可使用烘焙紙/牛油紙，建議先噴灑些許水在烤盤上，讓烘焙紙/牛油紙可緊貼烤盤，才搯麵糊。

7.          把整盤曲奇麵糰放入冰箱冷藏室中(約攝氏4度)，冷藏15分鐘。同時預熱焗爐至160度，至少10分鐘。

8.          把整盤曲奇放入焗爐中，毋須解凍。焗12分鐘。

9.          焗完立即把曲奇取出，室温放涼至少10分鐘，暫勿移動，因剛出爐的曲奇非常軟，很易弄破。

10.      10分鐘後，可輕輕把曲奇反轉，讓底部也涼透，或可放在網格上風乾。

11.      涼透後的曲奇，需立即存入密封的器皿中保存。

Subway風巧克力燕麥片餅乾 (內附食譜)

老公喜歡食Mrs. Fields曲奇，所以我一直都好想整到。

我見Carol老公又有類似曲奇，所以又試下跟整。

雖然甜，但都美味。

我應該係牛油果到出左錯，所以整出來的曲奇脆身帶點軟，詳情可以往下看。

製作過程：

• 我用左一半份量，整左10塊。
• 天氣凍，牛油室溫左好耐都係硬，我用微波爐叮，可能溶左啲，所以曲奇各外瀉，曲奇唔太軟身，變左脆身帶點軟。

Subway風巧克力燕麥片餅乾

食譜來自：https://caroleasylife.blogspot.com/2019/11/subway_11.html

材料： 約20片

低筋麵粉                                        140克

泡打粉                                            1/4茶匙

小蘇打粉                                        1/4茶匙

無鹽奶油                                        110克

黑糖                                                90克

細砂糖                                            90克

鹽                                                    1/8茶匙

雞蛋                                                 1個 (淨重約55克)

香草精                                            1茶匙

巧克力磚(或水滴型巧克力)           50克

即食燕麥片                                    50克

做法：

1.      所有材料秤量好。

2.      低筋麵粉 +泡打粉+小蘇打粉混合均勻，然後過篩。

3.      無鹽奶油切小塊回復室溫。

4.      巧克力磚切成1公分立方。

5.      無鹽奶油用手動打蛋器打散成乳霜狀。

6.      加入黑糖用手動打蛋器攪拌均勻。

7.      加入細砂糖及鹽用手動打蛋器攪打至泛白狀態，打蛋器尾端呈現角狀。

8.      加入雞蛋及香草精用手動打蛋器攪拌均勻。

9.      將過篩的低筋麵粉分2次加入使用刮刀以切拌的方式混合成團狀。

• ·         不要過度攪拌避免麵粉產生筋性影響口感。

10.  最後將巧克力碎及即食燕麥片加入混合均勻。

11.  用湯匙舀起麵糊間隔整齊排放在烤盤中。

12.  放入已經預熱到170度c的烤箱中烘烤16分鐘即可。

• ·         中間調頭一次使得餅乾上色平均。

13.  在烤盤中靜置5-6分鐘再移至網架冷卻。

14.  密封保存。

補充:

·         巧克力磚也可以用巧克力豆代替。

·         甜度可以自行斟酌。

·         此餅乾吃起來是chewy口感，中間帶點軟Q。