港式牛油蛋糕仔 Hong Kong style mini butter cake (內附食譜)

小時候的麵包舖都有蛋糕仔賣，都是用磅磅的，我有時會買半磅有時都會買一磅，但舊式餅店漸漸消失，都唔見有得賣了。

我真的好喜歡食，之前都整過〝一口蛋糕仔〞，今次見到Mrs. P's Kitchen出食譜，就緊係抽時間整。

尋日小王子order帶蛋糕回校做茶點，仲話要請同學和老師吃，就開動整蛋糕仔喇！

全屋都牛油香，蛋糕都未放涼老公和小王子已經一糖接一粒，老公仲話個面好脆，咁即係滿意喇！

今日小王子拿回很多蛋糕仔回來，因為疫情不能分享，加上小王子話蛋糕表面唔脆，所以唔吃，但我試過仍然好味，咁我自己食。

我用小紙模，所以比原食多出一倍有多的份量，下次用大一點，因紙模太小，另外，我焗的時間都比原食譜耐，因為唔上色，所以大家要留意自己個焗爐作出調節。

.

港式牛油蛋糕仔 Hong Kong-Style Mini Butter Cake

食譜來自：http://www.mrspskitchen.net/hong-kong-style-mini-butter-cake-%E6%B8%AF%E5%BC%8F%E7%89%9B%E6%B2%B9%E8%9B%8B%E7%B3%95%E4%BB%94/

材料：30個小蛋糕

無鹽牛油                             120克

糖                                         100克

雞蛋                                     2隻

低筋麵粉                             130克

發粉                                     1/4 茶匙

鮮奶                                     30毫升

做法：

1.      用電動打蛋器打發牛油和糖，雞蛋分2次加入打發。

2.      篩入麵粉、泡打粉，用橡皮杓拌勻。

3.      再加入牛奶，用電動打蛋器打至均勻。

4.      將蛋糕糊加入唧袋內，唧入蛋糕紙模內，入爐前櫈幾下。

5.      用180度，焗約22分鐘，關火焗5分鐘，即成。

貼士：

·         這個食譜可做約30個小蛋糕。

·         也可以做大的蛋糕，但烤的時間會長一點，要小心觀察。

·         將蛋糕放入密封盒內，存放室溫三至四天。

海鹽起司奶蓋戚風蛋糕 (內附食譜)

今年小王子生日要求依貝蛋糕，我已構思好，諗住挑戰3D立體蛋糕，而且仲訂左個蛋糕盒和插牌，可是因疫情，所以學校取消左全部生日會，我諗住可以取消挑戰，點知！小王子都係要依貝生日蛋糕，我唯有出矛招，買左2隻依貝積木砌，放在蛋糕做擺設。

大的依貝我用左半日時間砌，起初我砌個底3層，老公就幫手砌之後3層，但實際佢係砌左2層半，因為砌錯半層攪到我之後果一層砌極都唔啱，拆左再砌，砌到手指頭又紅又痛，小的好快就攪掂超Easy，所以砌積木都不是男孩的專利。

之前表姐推介佢朋友跟Youtube片整既海鹽蛋糕，我尋日就焗好蛋糕，今朝就加個海鹽起司係面，發生小插曲，係蛋糕內唧海鹽起司發現會流出來，弊！原來我篤穿左個蛋糕，立即用蛋糕補返個窿，真驚險。

今朝就焗條卷蛋放旁邊，係之前整過的〝士多啤梨瑞士卷〞，而個餡就係跟朱Sir的。原意係卷蛋表面晝隻伊貝，但個圖細走樣了，好在有伊貝砌木。

我怕個海鹽起司會溶，所以今日call車返娘家，今晚就一齊切蛋糕。

家人都讚海鹽起司蛋糕好食，連平時唔食蛋糕既肥阿哥都食，而肥細老就讚卷蛋個餡好味，總之個個都滿意喇！

海鹽起司奶蓋戚風蛋糕

食譜來自：https://www.youtube.com/watch?v=dJjnwEhXYpg&feature=youtu.be

戚風蛋糕材料：6吋蛋糕模

雞蛋黃                        3個  

鮮奶                            35克

植物油                        30克

低筋麵粉 (過篩)         55克

雞蛋白                        3個

砂糖                            55克

海鹽起司奶蓋材料：

淡忌廉                        220克

鮮奶                            80克

忌廉芝士                    50克

煉奶                            50克

海鹽                            3/4茶匙

裝飾：

杏仁片                        適量

做法：

1.      植物油、鮮奶攪勻，加入蛋黃攪勻，再加入低筋麵粉攪勻。

2.      蛋白慢慢加入砂糖打至濕性發泡，呈小灣勾。

3.      將1/3蛋白霜加入蛋黃糊內，切拌均勻。

4.      將蛋黃糊倒入蛋白霜中，將兩者混合。(盡量保留麵糊內的空氣，拌均勻就好了)

5.      將麵糊倒內蛋糕模內，麵糊抺平，櫈幾下入爐。

6.      150度，焗35分鐘。

7.      出爐後櫈一下，連蛋糕模倒扣放涼，脫模。

8.      杏仁片，120度，焗5分鐘。

9.      忌廉芝士、煉奶攪拌至順滑。

10.  加入海鹽、鮮奶、淡忌廉，打至6分發，倒入唧袋冷藏一小時。

11.  用踞齒刀從蛋糕在蛋糕表面切入，然後在蛋糕裡面切一個圈。

12.  在圈內擠入奶油，餘下的擠在蛋糕表面。

13.  用橡皮杓在蛋糕表面舖平推近邊緣，使奶油有滴漏的效果。

14.  撒上杏仁片就完成。

貼士：

·         以切拌的方式攪拌麵糊不會那麼容易消泡。

檸檬杯子蛋糕 (內附食譜)

今日端午節應下節午餐食糭，係午餐前跟甜師奶整左〝檸檬杯子蛋糕〞。

這個食譜用預熱焗爐時間多啲就完成，真係超易又好味。

老公唔食酸野，所以我冇講個蛋糕用咩整，佢居然食唔出有檸檬味。

我覺得酸酸甜甜，蛋糕又鬆軟。

蛋糕還微暖時，小王子都食左3個，我同老公都各食左1個。

之後烚緊糭既時候，兩父子又再食，真難得尤其是老公，因為咀刁。

小王子明天早餐，回學校既茶點都係食這款蛋糕~哇~咔~咔。

檸檬杯蛋糕

食譜來自：https://www.youtube.com/watch?v=-JHUo-bARm4

材料：上徑口6x底徑5x高4.5cm (20個)

蛋白                                4隻

糖                                    70克

油                                    40克

牛奶                                50克

蛋黃                                4隻

低筋麵粉 (過篩)            80克

檸檬汁                            25克

做法：

1.          預熱焗爐120度。

2.          油、牛奶加入鍋中，開最少火，快速攪拌混合大約40秒。(溫度有少少暖，但不會燙手)

3.          煮完直接倒入已過篩的低筋麵粉中，用手動打蛋器攪拌混合。(牛奶如果溫度太熱，會令麵粉成糰難攪拌。

4.          分2次加入蛋黃，攪拌混合。(記得不要過度攪拌)

5.          加入檸檬汁，攪拌混合。

6.          糖分3次加入蛋白中，開高速打發。(打蛋白容器不可以有水、有油，少少蛋黃都打不起)

7.          一邊打一邊轉兜，打至乾性。(如果怕打過龍，尾段可以轉慢速打發)

8.          蛋黃糊加入少量蛋白霜，輕力攪拌混合。

9.          再將蛋黃糊倒入蛋白霜中，輕力攪拌混合。

10.      潷入紙杯中，大約6-7成滿，入爐前噔幾下。

11.      入爐120度，焗45分鐘。

12.      再轉150度，焗15分鐘。

13.      關火，焗5分鐘，即可出爐。

14.      出爐後，噔幾下，放涼。

極濃起司.巴斯克焦香起司蛋糕 (內付食譜)

上次整左〝焦糖烘燶巴斯克芝士蛋糕〞，今次試另一個食譜。

大家都覺得上次比較好食啲，芝士味濃郁，可能因為用料份量都比較多。

上次我見份量咁多就用左6吋加高模焗，焗既時候都會升高。

今次份量少，所以用左6吋慕絲圈，再加塊底，咁樣焗都成功。

本來有個6吋正常蛋糕模，但比左表姐，所以用呢個方法。

這款蛋糕都比較多食譜，或者下次可以試整另一個食譜。

極濃起司巴斯克焦香起司蛋糕

食譜來自：https://www.youtube.com/watch?v=TAg7IZqhPjY

材料：(6" Cake Pan 6吋蛋糕烤模)

忌廉芝士                  200克

細砂糖                      70克

蛋                             2顆

Heavy Cream          100毫升鮮奶油

低筋麵粉                  5克

做法：

1.     預熱烤箱至200°C。

2.     將奶油乳酪退冰，然後放入一個大碗中用矽膠刮刀把它打軟。

3.     加入細砂糖，用手動打蛋器攪拌至順滑。

4.     在另一個碗中打兩顆雞蛋，再分開兩次把它們拌入步驟3的混合物中，攪拌至順滑。

5.     加入鮮奶油，攪拌至完全混合。

6.     篩入低筋麵粉，攪拌至完全混合。

7.     用一張烘焙紙包好蛋糕模的裡面，再倒入麵糊。

8.     在已預熱好的烤箱中繼續以200°C烤30分鐘。

9.     烤好後蛋糕保留在烤模內於室溫放涼。

10.  放涼後於冰箱冷藏一晚。

貼士：

l   第二天便可以吃到口感超~順滑又有濃厚起司味的巴斯克焦香起司蛋糕啦

日式北海道包 (內附食譜)

老公好鍾意食這款包，我好少少，因為要用麵包種，覺得麻煩，但又幾鬼好食。

13年前整過好成功，跟住3年前再整就失敗，尋日再整又再次成功。

我用電動打蛋器攪成糰就用手搓6分鐘，再摔撻麵糰2分鐘，再用電動打蛋器攪2分鐘，再用手搓至起薄膜。

出爐放涼時趁還微暖與老公share左每人半個，真的好味，但老公又例牌話同平時一樣。

今日老公2個做早餐，我一個做 Tea，又拎左3個比同事試，佢地都話好食。

不過，唔知點解個皮會有點潮，焗完冇事，擺左一陣就潮，我搵下原因先。

星期六，下午5點幾整左個麵包種放雪櫃發酵。

星期日，早上7點就拎出來室溫回溫，跟住9點幾就開始整麵包。

日式北海道包

食譜來自：專業麵包製作

材料：(約8-9個)

高筋麵粉              200克

砂糖                      40克

依士                      3克

蛋                          30克

奶粉                      8克

溫水                      50克

牛奶                      50克

牛油                      30克

麵包種                  100克

麵包種：麵包種麵糰製作 (老麵 或 發酵種)

飛碟醬：飛碟醬

做法：

1) 依士與溫水拌勻。

2) 其他材料同放盆內，之後加入依士水，再用手將所有材料攪勻。

3) 將麵糰倒出放在桌上，用手推開麵糰。

4) 將麵糰對摺(令麵糰產生筋性)或用力敲摔麵糰。

5) 再對摺至有筋性及不黏手。

6) 測試麵糰：搓至麵糰表面光滑，用手拉開時成薄膜狀即大功告成。

7) 盆內塗上一層薄固體菜油或溶牛油。

8) 將已搓滑的麵糰放入盆內，蓋上保鮮紙(以防表面乾硬)。

9) 將整盆麵糰放入另一個注入30℃-40℃溫水的盆內，發酵後的麵糰約成原來的2.5-3倍大。

10) 手指測試法：把手指插入根粉中，再將手指慢慢插入已發大的麵糰中，然後取起手指。

11) 若手指離開後麵糰仍留有手指形空隙，即表示第一次發酵完成。

12) 將麵糰分割成8等份。將每份麵糰輕輕拉長 (摺兩摺)。

13) 然後用保鮮紙包好麵糰，鬆弛10分鐘，將麵糰放桌上打圈滾圓成球形。

14) 麵包模上噴一層油，放入麵糰，蓋上保鮮紙作最後發酵，約30分鐘。

15) 把飛碟醬放進唧袋，在唧袋頂端剪一小孔。

16) 發酵完成後，麵糰約成 2-2.5倍，唧上飛碟醬，放入預熱220度焗爐，焗15-20分鐘。