呢幾日都有點忙，所以這個蛋糕分左3日整。
星期五，整個餅底。
星期六，整黑芝麻芝士餡。
星期日，整埋個裝飾。
我整黑芝麻芝士餡用魚膠片時，今次我座溶左先，然後先倒入餡中攪勻，咁樣就好好多。
星期六，用廚師機打cream，所以我順便用來整黑芝麻芝士蛋糕。
本來諗住將Oreo分一半，但係原來好難。
這就是最終的裝飾，裝飾左靚好多。
之前沒有裝飾的樣：黑芝麻芝士蛋糕
2022年1月8日星期六
黑芝麻芝士蛋糕 (內附食譜)
這個蛋糕係2012年整過返公司，當時係同事們慶祝我的生日。
我以為用少左淡忌廉蛋糕會好實，而且都用得多魚膠片，但又唔係啵！唔係實係挺身。
蛋糕切件後可以用手拎住食，又唔會弄污手。
老公同事們都讚好食，仲話比〝黑芝麻棉花蛋糕〞好，呢個芝麻味好出。
食剩的仲幫我打包拎走添，因為家中2個老闆又係唔食。
製作過程：
- 我用6吋慕絲圈。
- 黑芝麻醬開左我存放係雪櫃，所以我用熱水座溶，唔係一舊舊用唔到的。
- 淡忌廉唔夠只用左340克，咁樣就剛好填滿6吋慕絲圈，如跟食譜375克，就可能有多了。
- 我習慣打完cream就雪返落雪櫃備用，但係呢個蛋糕就唔好，因為混合左cream之後就起舊舊，我覺得因為cream凍，我立即用暖水座返溶少少，但要自行睇情況不要座太耐。
- 食譜書係在蛋糕表面用剩餘的黑芝麻芝士餡唧圈鋪滿在表面上作裝飾，可能我技術不夠好肉酸，此動作我係蛋糕雪至有點硬就做， 所以可以將黑芝麻芝士餡鋪平再雪作補夠。
黑芝麻芝士蛋糕
食譜來自：精緻慕斯蛋糕
材料：2.5吋圓形模具5個
Oreo朱古力味餅碎 60克
無鹽牛油 30克
黑芝麻芝士餡：
忌廉芝士 180克
糖 80克
黑芝麻醬 75克
淡忌廉 375克
魚膠片 15克
餅底做法：
1. 把Oreo朱古力味餅碎和已洽牛油拌勻，然後壓在餅圈內鋪平備用。
黑芝麻芝士餡做法：
1.
先把淡忌廉用打蛋器打起至軟雪糕狀備用。
2.
把忌廉芝士和糖用打蛋器打至滑身。
3.
放入黑芝麻醬拌勻。
4. 加入已浸軟及融化的魚膠片快速攪勻，再加入已打起的淡忌廉拌勻。
組合及裝飾：
1.
把8成黑芝麻芝士餡倒入已有餅底的餅模內鋪平，冷凍。
2.
脫模後，把剩餘的黑芝麻芝士餡唧在面上作裝飾。
3. 蛋糕邊用朱古力圍邊，面放紅紅桑子和薄荷葉。
貼士：
· 黑芝麻醬可於大型超級市場或日式百貨店內有售。
2021年11月27日星期六
日式芝士蛋糕 (內附食譜)
雪櫃有細舊Cream Cheese就到期，前2日我就試寫左個自家食譜。
今日就將它實現，所以除左整〝黑芝麻刀切饅頭〞 仲整左〝日式芝士蛋糕〞拎去請朋友。
蛋糕係少甜，因為唔想咁膩。
朋友們和老公都讚，佢地鍾意冇咁甜，老公仲話清清地仲好。
日式芝士蛋糕
材料：6吋戚風蛋糕模
忌廉芝士 132克
鮮奶 132克
無鹽牛油 30克
糖 60克
粟粉 (過篩) 20克
低筋麵粉 (過篩) 20克
蛋黃 3隻
蛋白 3隻
做法：
1.
用烘焙紙圍內圈和底部，烘焙紙比蛋糕模高。
2.
牛油、忌廉芝士、奶隔熱水加熱，攪勻。
l 盡量攪至冇粒，仍細細的粒都可以，因焗完出來就會不見。
3.
加入蛋黃，用手動打蛋器攪勻。
4.
加入粟粉、低筋麵粉攪勻。
5.
糖分3次加入蛋白中，打至濕性發泡。(打到有軟勾狀就可以)
6.
將1/3蛋白加入蛋黃糊內，攪勻。
7.
分2次加入餘下的蛋白霜拌勻。
8.
麵糊倒入模具內，入爐前櫈幾下。
9.
盤中加熱水約2cm高，將麵糊放倒數第2層。
10. 用175度，焗15分鐘。
11. 轉用150度，焗10分鐘。
12. 開焗爐門攝隻隔熱手套。
13. 轉用150度，焗35分鐘。
l 焗到磨菇頂不怕，放涼後就下降不見了。
l 用竹籤插入蛋糕有少少黏住不用怕，放涼時餘下的溫度可令他熟。
14.
放涼5分鐘後，取出蛋糕撕去烘焙紙。
15.
完全放涼後雪凍享用。
訂閱：
文章 (Atom)