糯米滋 (花生 & 麥提沙餡)

 

馬拉糕 3-12-06

 

水晶梨糯米滋 (內附食譜)

我細細個已經好鍾意食糯米慈架喇，其實正確d黎講，我係鍾意食佢d皮，即是冇餡我都食架~~  

有一日突然想食咪整囉，見到屋企有水晶梨，所以用左黎做餡，食落都唔會好怪。我都唔記得呢個食譜既份量呢個最簡單，而做法係集合其他人做法，不防試試。

糯米慈 

材料： 

椰汁                   一罐

糯米粉                  (用椰汁罐份量一樣)  比例 1:1

白砂糖                  (用椰汁罐份量半罐)  半罐

椰茸                       (包完先用)    

做法： 

1)     全部攪至完全無起粒(可用網隔至無粒)。 

2)     放係入得微波爐既碗內，用微波爐叮4分鐘。 

3)     用微波爐保鮮紙搽小小油，然後用匙羹取所須份量，放係微波爐保鮮上，就可以包入餡，然後沾上椰茸即成 。    

貼士： 

l  一定要冇粒粒，如有粒粒可以用網隔至無粉粒!

l  蒸時最好包保鮮紙, 防倒汗水 

l  唔用椰茸可改為用糯米粉, 先將糯米粉用微波爐叮1分鐘!

馬拉糕18-11-06

 

馬拉糕17-11-06 (內附食譜)

馬拉糕

 

材料 ：

自發粉           80克

吉士粉           20g

蛋                  2隻

紅糖               60g

砂糖               20g

牛油               30g

奶                  60毫升

 

製作 ：

1.    溶牛油 。

2.    將蛋及糖打起至輕身(好似平時煎蛋咁)，加入自發粉及吉士粉 。

3.    加入奶、牛油打勻 。

4.    放混合物於器皿中，隔水大火蒸30~40分鐘。

木糠蛋糕 (內附食譜)

我整娣婦第一次食時話好似雪糕既〝妙趣曲奇〞好好食 ，可能之前整用人手壓碎Oreo餅，所以比較大粒，之後整D餅碎係烘焙店買比較幼細，所以唔同之前食既感覺，我諗有時都係唔可以懶。

木糠蛋糕    

材料： 

淡忌廉      500克 

煉奶         100克 

Oreo餅乾     適量    

做法： 

1)       將Oreo餅乾壓碎，再篩一篩。 

2)       將鮮忌廉打起少少,加入煉奶，再打至杰 。 

3)       一層忌廉放底先,再一層餅碎(用篩篩入)。 

4)       重複第5 STEP。 

5)       放冰格雪硬 (大約2-3小時)。    

備註： 

Oreo餅乾可以用攪拌機打碎或放入密實袋內，用棍壓碎，但其實賣蛋糕材料店都有一包包碎既Oreo餅碎賣。

叉燒包 (學校) (內附食譜)

這個食譜是我以前讀中學家政堂老師教的，當時係好好食，一直想再整，但懶。

不過，可能冇老師指點，冇咁好食了。

呢個做法既包皮唔係咁好食  ，我覺得酒樓好食好多，不過大家可以試下整，同平時既包皮比較一下！

叉燒包 (學校)

麵糰：

中筋麵粉 (Plain Flour)                       110克

發粉 (Rounded Baking Powder)         1茶匙

幼砂糖 (Castor Sugar)                        25克

豬油 (Lard)                                          1茶匙

冰水 (Cold Water)                               50-60毫升

餡料：

叉燒 (Roast Pork)                               60克

乾蔥 (Clove Shallot)                            1條

油 (Oil)                                                1茶匙

醬汁：

糖 (Sugar)                                             1/2茶匙

粟粉 (Cornflour)                                 1/2茶匙

胡椒粉 (Shakes of Pepper)                 少許

老抽 (Dark Soya Sauce)                      1/2茶匙

生抽 (Light Soya Sauce)                     1/2茶匙

蠔油 (Oyster Sauce)                            2茶匙

麻油 (Sesame Oil)                               1/4茶匙

水 (Water)                                           2湯匙

工具：

防油紙    (Greaseproof Paper)              8張 (6cm x 6cm)

做法：

1.     預備蒸籠。當你搓好麵糰時就開始煲水。

2.     將叉燒切成手指甲的尺寸，用碗放入醬汁攪勻。

3.     切碎乾蔥，用1茶匙油將乾蔥爆香，然後加叉燒爆香，之後落醬汁，見到汁稠濃熄火。

4.     在碗內篩內麵粉，再加發粉和糖。在麵粉中間開一個洞，然後加入豬油和水。

5.     搓好麵糰後，分成8份。

6.     用木棒壓成圓形，之後加入一份餡料係中間，將皮邊收摺成一個圓髮髻。

7.     用大火蒸15分鐘，趁熱食。

金寶芝士蛋糕 (自己做)

係之前我&朋友一齊上堂學整架，而呢個係我自己返屋企整架，靚唔靚呢？

奶皇 (內附食譜)

奶皇  

材料：  

(1)牛油4安士,椰漿1罐,鮮奶半公斤,水8安士. 

(2)糖8安士,吉士粉4安士,奶粉1安士,雞蛋3只.   

做法：  

先將(2)搓混備用.將(1)煮滾倒進(2)攪混成糊狀後蒸約20分鐘.

奶皇包 (內附食譜)

 

奶皇包

參閱「醬料」：奶皇

 材料：

老麵種              160克

糖                      60克

鹼水                  1/4 tsp (取小許皮料內15克的水份開希)

臭粉                  1/8 tsp

水                      15克

中粉                  60克

泡打粉              4克

麵種材料：

麵粉                  40克

清水                  20克

 

做法：

1.            將麵粉40克加清水20克調勻，置放室溫1-3日便成麵種。

 

老麵種材料：

麵種            40克

麵粉            120克

水                60克

 

做法：

1.     將麵種60克+麵粉120克+水60克拌勻成團後，置室溫約15-18小時便成老麵種。

 

做法：

1.     先將老麵種與糖搓勻，再依以上次序加入開希鹼水，臭粉及水拌勻。最後加入粉及泡打粉揉成麵團。

2.     讓麵團在室溫蓋好醒30分鐘，醒好不要用力搓揉，祳其平均分好10份，桿成小圓形包入餡料，放入蒸以大火蒸約10分鐘便成。

豆腐花 (另一食譜) (內附食譜)

今次跟這個食譜豆腐花好滑，做法我改左少少，而水份方面我覺得多左d，所以我就問我阿公，就得出以下既份量，我肥細老要添食添丫！

豆腐花

材料：

黃豆                        1斤 

清水                           2.5公升 

食用石膏粉       1 湯匙  (我用1/2湯匙) 

冷開水               半碗 (我用2湯匙) 

礦泉水                  半碗 (我冇用) 

製作方法﹕

1）黃豆洗淨，用清水浸4至5小時至軟身。洗乾淨後隔水。將黃豆放入攪拌機，加入2.5公升水攪爛。（視乎攪拌機的容量，可分幾次攪拌） 

2）用篩子把豆漿與豆渣過濾一次。將豆漿倒入蓋上布的容器中隔渣，用力擠壓出豆漿。 

3）把豆漿倒入煲中煮滾。煮時應攪拌豆漿，避免豆漿焦煨或滾瀉。豆漿煲滾後，隔去浮面的泡沫，可令豆腐花更軟滑。 

4）把1湯匙食用石膏粉放入碗內，加2湯匙水，拌勻備用（石膏粉應完全融解）。把煮熟的豆漿用布再隔渣一次。 

5）用另一個煲放在地上，將碗內的石膏水倒入放在地上的煲內，然後高速倒入隔渣後的熟豆漿﹔保持靜止不動，等待5至10分鐘，煲中的豆漿便會凝固成豆腐花。待凝固後，隔去表面的泡沫，加入糖漿即可食用。