扭紋牛油磅蛋糕 Marble Pound Cake (內附食譜)

上次一齊去supermarket娣婦買左莎莉扭紋蛋糕，其實我除了一粒粒朱古力之外，其他用朱古力做既野我都唔鍾意食，而老公直情唔嗜朱古力，係好間中食一兩粒朱古力，所以平時唔會整朱古力，但呢個幾好食 ，所以我就整左呢個喇，但係我老公都係唔食。  下面個網都係我常去既地方，幾好架！

原創食譜成品好靚，請瀏覽下：http://www.leisure-cat.com/frm_1286.htm

扭紋牛油磅蛋糕 Marble Pound Cake 

材料：(蛋糕模:8x18.5x4.5cm )

牛油           100克 

細砂糖                   100克 

雞蛋                      2個 

雲呢拿油               2-3滴 

低筋麵粉              70克 (另外預備2湯匙備用) 

泡打粉              1茶匙 

可可粉              2湯匙 

製作： 

1.       牛油在室溫軟化後放入攪拌碗中，用橡皮刮刀壓王泥狀，然後用打蛋器攪拌至鬆軟。 

2.       加入砂糖，用打蛋器打至鬆軟呈白色。 

3.       雞蛋打散後分2次加入 (2) 中攪拌，攪勻後加入雲呢拿油。 

4.       麵粉70克+泡打粉過篩後，分3次像切東西般加入 (3) 中輕輕拌勻。 

5.       將麵糊平均分成2份，一份加入備用的2tbs麵粉，做成麵糊 (A)；另一份加入可可粉，做成麵糊 (B)。 

6.       用湯匙將麵糊 (A) & (B) 一小團一小團梅花間竹地盛入焗模中，再用湯匙戳四個角落，讓麵糊平均分散在角落裡，然後再用湯匙在麵糊中繞一圈。 

7.       將焗模向下‘dun’幾下，使麵糊中的空氣跑出，用180度焗35分鐘。 

貼士： 

l   湯匙在麵糊中繞圈時，最好能繞至角落，花紋效果會好看些。

我用左材料的2倍做左上面的蛋糕，我唔記得係邊個網到睇到，如果這食譜的原創人睇到，在此說聲〝謝謝〞，或者你可以鋪個Link，因為我記得原創者既蛋糕靚好多。

 我整左3個muffin size，其他係小的，但唔知係咪小好食D，大既冇人食。  

孖寶蛋糕 

材料: (約6個) 

牛油                 100克 

糖                      100克

雞蛋                  2隻 

自發粉              150g克 

雲呢拿香油     1/4匙  

葡萄乾             50克    

做法: 

1.       將牛油及糖拌打至幼滑，逐個雞蛋加入，打至均勻。 

2.       慢慢地加入已篩的自發粉，加入雲呢拿香油拌勻。 

3.       將葡萄乾分於12個焗杯內，傾入麵糊，以180。c焗約10至15分鐘或至金黃色。 

4.       將小蛋糕傾出，待涼片刻即成。 

貼士： 

A.        牛油和雞蛋必須先放在室溫，這樣攪拌後的混合物才會柔滑。 

B.        放中層。 

C.        牛油要室溫，唔係要佢溶，只係整之前將牛油同蛋o係雪櫃攞出o黎，放佢半個至1個鐘就得ga啦，只係調節返個溫度咋！ 

D.        其實， 整左個麵糊出黎，唔駛太心急拎去焗架, 可以先放一陣先倒入杯仔度等半個鐘左右先去焗，因為， 咁樣個麵糊就可以發多少少，焗出黎既效果會鬆軟d 。

E.         用錫紙蓋面係唔想個面太燶... 通常係個面已經金黃...但係中間唔多熟...想焗多陣... 唔一定係焗爐仔要...有時大焗爐都要 主要係睇個蛋糕焗嘅情況... 只不過係焗爐仔嘅熱力唔係分佈得太平均...所以多數都要錫紙蓋面。

莎莉蛋糕 (內附食譜)

我阿婆鍾意食蛋糕，我就用左材料2倍份量整左2個蛋糕，但係有少少出錯，所以失敗左 ，就係係我整好晒要焗既時候，發覺點解多左一隻蛋呢，我先記起我落少左一隻蛋，嗚嗚~~~，個蛋糕焗左出黎好實，好似唔熟咁，但係我阿婆話好食，其實我覺阿婆係我鍾實fans，呵呵~~~

莎莉蛋糕 

材料： (7x16.5x5.5cm蛋糕模) 

白油 Shortening                        68g 

牛油 Butter                               54g 

糖 Sugar / Icing sugar                 100g (我落少d) 

鹽 Salt                                     1/3 tsp 

低粉 Cake flour                        135g 

泡打粉 Baking powder              1/4 tsp 

蛋 Eggs                                     2 隻

奶 Milk                                    16g 

做法： 

1.       白油、牛油加鹽打勻，糖分3至4次加入打成奶白； 

2.       加蛋打勻； 

3.       分幾次加入已過篩的麵粉同泡打粉攪勻； 

4.       最後加奶打成幼滑麵糊； 

5.       倒入焗模中至半滿，放入已預熱180度的焗爐中焗40至45分鐘； 

6.       取出放涼後放入雪櫃 / 冰格雪一日，即可食用~    

***注意*** 

A.        如不想用白油，可以全部用牛油； 

B.        加蛋後可能打唔勻，此時可以慢慢逐少加入麵粉一起打，漸漸便可把材料打勻； 

C.        焗的時候蛋糕表面可能會裂，焗時可用一個小焗杯載半杯水放入焗爐一同焗，即可避免 

焗到咁上下(大約30分鐘左右)可以用籤試下個蛋糕有無麵糊痴住，無就可以用淨係開上發熱線上色，咁就會好似街果d咁上面先係深色啦~

香軟紙包蛋糕 (內附食譜)

之前係〝mc〞到見到有〝自家製紙包蛋糕〞已想整，但一直都的唔起心整，今日去左熊貓姐姐家拎衫，順手整下蛋糕先，所以我就揀左整〝mc〞既〝自家製紙包蛋糕〞勒！之前都整過兩次：〝紙包蛋糕〞、〝香噴噴~紙包蛋糕〞。   

我忠實Fans(我阿婆)與我一樣都係好鍾意食〝紙包蛋糕〞，佢每次買都實預我一份，唔知係咁因此咁，所以而家都麻麻地。   

熊貓姐姐第一次食我既〝紙包蛋糕〞，佢話個蛋糕鬆軟，比街外的還要鬆，雖然，我唔食得，但聽到已經好開心喇！我借左個盒帶左6隻走，留低左5隻。     

份量比我想像中多，所以唔夠紙杯，我就用左蛋糕圓形既牛油紙墊杯，焗完再拎返出嚟再用。

自家製紙包蛋糕

材料： (12個紙杯)

低筋麵粉              60 g

粟粉                    15 g

砂糖                    90 g

雞蛋                    5 隻

牛油                    50 g (熱溶)

鹽                        少許

做法：

1)   焗爐以170度預熱。

2)   雪梨紙舖於紙包蛋糕模中備用。

3)   蛋白加入鹽打至起泡後，砂糖分三次加入打至企身。

4)   蛋黃輕輕打散後，加入蛋白中。

5)   隨即加入已篩過之低筋麵粉和粟粉, 要輕手以fold-in型式拌勻。

6)   加入牛油溶液拌勻。

7)   倒入模中至8分滿，焗20-25分鐘直至面頭金黃即成。

迷你椰絲奶油包 (內附食譜)

〝椰絲奶油包〞我可以一次食2個，係我自小愛吃的，今次整了迷你版，但我覺得口感一般，可能整原本size會好食些，因為我整蛋糕仔，都係大的好吃過細的，可能太小關係沒有口感。 

這種麵包是我第一次整，所以麵包外型不伯那麼美，整麵包的技巧都要多練習多些，今次沒有〝日式北海道包〞那麼鬆軟，下次我試下用麵種和整原本size，再向大家回報。

椰絲奶油包 

食譜來自：專業麵包製作

材料：(約8-9個)

高筋麵粉                 200克

砂糖                                     40克

奶粉                              6克

吉士粉                              6克

依士                                 3克

溫水                              100克

牛油                              20克

蛋                                  30克 

其他材料：椰絲 

奶油忌廉：參閱「醬料」 

做法：

1) 依士與溫水拌勻。

2) 其他材料同放盆內，之後加入依士水，再用手將所有材料攪勻。

3) 將麵糰倒出放在桌上，用手推開麵糰。

4) 將麵糰對摺(令麵糰產生筋性)或用力敲摔麵糰。

5) 再對摺至有筋性及不黏手。

6) 測試麵糰：搓至麵糰表面光滑，用手拉開時成薄膜狀即大功告成。

7) 盆內塗上一層薄固體菜油或溶牛油。

8) 將已搓滑的麵糰放入盆內，蓋上保鮮紙(以防表面乾硬)。

9) 將整盆麵糰放入另一個注入30℃-40℃溫水的盆內，發酵後的麵糰約成原來的2.5-3倍大。

10) 手指測試法：把手指插入根粉中，再將手指慢慢插入已發大的麵糰中，然後取起手指。

11) 若手指離開後麵糰仍留有手指形空隙，即表示第一次發酵完成。

12) 將麵糰分割成8等份。將每份麵糰輕輕拉長 (摺兩摺)。

13) 然後用保鮮紙包好麵糰，鬆弛10分鐘，將麵糰拉長壓扁，後分三折。

14) 取起麵糰一端向上摺一下，再取起麵糰另一端向下摺一下，再向下多摺一下。

15) 將麵糰未端壓爛，捲實成欖形，收口向下。

16) 放在已掃油的焗盆上，蓋上保鮮紙作最後發酵，約30分鐘。

17) 發酵完成後，麵糰約2-2.5倍，放入預熱220度焗爐，約焗8分鐘。

18) 麵包置涼後，用牙刀在包面切一刀。

19) 包面掃上奶油忌廉或蛋液，沾上椰絲。

20) 張開刀口位，唧入奶油忌廉。 

小貼士：

l   必須待麵包置涼後才可唧入奶油忌廉，否則麵包太熱，會使奶油忌廉溶化。

菠蘿丹麥包

做法同〝士多啤梨丹麥包〞一樣，不過我今次用左菠蘿，但我覺得用士多啤梨好食d，等我下次又試下其他先！

日式北海道包 (14 Jan 2007)