宇治抺茶冰淇淋 (內附食譜)

老公和小王子都鍾意食綠茶，尋晚就整左宇治抺茶冰淇淋，雪左一晚，今日隨時食得。

老公買左lunch外賣回來，食完就拎雪糕出來比佢地食。

小王子話好好食，食完又要添食。

夜晚食完俊係娘家回來，一入門口就話要食雪糕。

這個食譜材料比我之前用開簡單，而且易做。

我將食譜的水轉為奶，但係暖奶過程出左啲意外，我〝辣〞到手指起左水泡。

做法次序都改左少少，亦都將份量改左，我都放左原食譜出處，大家可以睇下。

宇治抺茶冰淇淋宇治抹茶 冰淇淋

食譜來自：http://jackla39.pixnet.net/blog/post/462964049

自製抹茶冰淇淋材料：

淡忌廉                          200克

煉乳                              80克

鮮奶                               24克

宇治抹茶粉                  1.5湯匙

(若其它口味則在此更換)

做法：

1.      將抹茶粉加入暖鮮奶沖泡成濃郁的抹茶醬。

2.      練奶加入抹茶醬內攪勻。

3.      將淡忌廉打到乾性發泡。

4.      將練奶抹茶醬加入打發後的鮮奶油。 

5.      以刮刀將上述材料攪拌均勻後，取一耐冷凍的器皿裝入，密封蓋好，放入冷凍隔天再享用即可。

 貼士：

※    如果喜歡蜜紅豆也可以斟酌加入。

※    抹茶粉的品質會決定與影響成品的顏色與影響苦澀甜香。

※    我是把鮮奶油一起打發後再分成三等份，同時巧克力也是做好囉♥ 

※    冷凍至少八個小時後就可以享用啦！

※    白色的部份是原味加上草莓果醬，我發現也會變成很好吃的草莓冰淇淋喔♥

※    剛從冷凍庫拿出來會比較難挖，大約放個十分鐘後再來挖就比較輕鬆了。

※    如果可以的話，在做法中冰淇淋快凝固時先翻鬆一遍，接下來食用會更方便、口感更佳。

※    草莓冰淇淋加左草莓果醬是意外中好吃的口味，如果有新鮮草莓或草莓果乾加入應該會更好。

※    巧克力冰淇淋我是使用無糖可可粉製作，喜歡多點口感的，可以把堅果類敲碎加入。

  

啫喱糖@練奶底 (內附食譜)

我有次係facebook既煮食谷到睇個post整啫喱糖，所以炒低左個食譜，出處係邊就唔記得。

模都係之前整過既啫喱糖用過的，模係矽膠軟身，好易脫模。

今次好難脫模，用左個幾鐘，因為熱水座一陣脫又溶得滯，又要雪，反覆幾次，都係爛左。

整左十幾隻，得呢幾隻見得人，所以模一定要掃油。

我試食左，白色底奶味重，下次用椰汁，但椰汁稀啲，魚膠份量可以要改。

啫喱糖@練奶底

啫喱材料：

啫喱粉 (任何味)            1盒

魚膠粉                            5克

滾水                                200克

啫喱做法：

1.          魚膠粉加入啫喱粉內，用滾水攪勻，放涼備用。

練奶材料：

魚膠粉                            15克

滾水                                100克

練奶                                150克

練奶做法：

1.          魚膠粉用滾水攪勻，放涼備用。

2.          之後再加練奶攪勻。

合併做法：

1.          矽膠模內抺些少粟米油，方便脫模。

2.          倒入啫喱水放入雪櫃雪5分鐘至凝固。

3.          之後倒入練奶啫喱，也是放入雪櫃，雪約半小時。

貼士：

l   練奶可以用鮮奶或椰汁代替。

l   整幾盒味道的話，中途啫喱凝固了，可座暖水再變回啫喱水。

龍舟@K1

小王子整既龍舟都好靚丫！

父親節禮物@K1

今日小王子親手整左這個煲呔送比爸爸。

照燒雞扒飯 (內附食譜)

原本係尋晚煮，但尋日我放工時去左shopping遲左回家，所以改今晚煮。

老公話唔好食，佢鍾意〝日式滑蛋雞扒飯〞多啲，我就覺得唔係唔好食，係冇乜特別。

可能我煮得唔好，因為個賣相同原食譜差好遠，煮多啲就會好啲。


照燒雞扒飯 Teriyaki Chicken Rice Bowl

 食譜來自：http://misstahomemade.blogspot.com/search?q=%E7%85%A7%E7%87%92%E9%9B%9E%E6%89%92%E9%A3%AF+Teriyaki+Chicken+Rice+Bowl+

材料：

急凍雞腿肉           1塊

粟米                       2湯匙

白飯                       1碗

照燒汁醃料：

醬油                       2湯匙

黃糖                       1茶匙

味醂                       2湯匙

清水                       1/2杯

做法：

1.        雞腿肉解凍，用叉子在雞腿肉上刺一刺（令其更易入味），攪勻照燒汁醃料放入雞腿肉，用保鮮紙包好，放入雪櫃醃最少1小時或過夜。

2.        在易潔平底鍋內燒熱1湯匙油，放入雞腿肉中小火煎至兩面金黃色。

3.        倒入照燒汁醃料煮滾，加蓋轉小火煮5-7分鐘至全熟。

4.        打開鍋蓋，調至中火煮至收汁濃。

5.        雞腿肉切件，放在白飯上，配上粟米粒，撒上白芝麻便成。

小貼士：

1.        照燒汁收汁的時候，要不時反面雞腿以免燒焦。

2.        粟米粒可以改做其他蔬菜配搭。

日式滑蛋雞扒飯 (內附食譜)

今晚表姐來食飯，整個簡單啲，表姐都讚好味。

佢鍾意飲湯，但時間唔夠，煲個罐頭粟米湯~攪掂。

每次都會買一塊大雞扒，怕唔夠味，所以都會用2包史雲生調味雞汁方便裝去醃。

日式滑蛋雞扒飯 Japanese-Style Chicken and Egg Rice Bowl

食譜來自：http://misstahomemade.blogspot.com/2016/06/japanese-style-chicken-and-egg-rice-bowl.html

材料：（2人份）

急凍無骨雞扒                            2塊

史雲生調味雞汁方便裝            1包

洋蔥                                            1個

雞蛋                                            2-3隻

白飯                                            2碗

汁料：

生抽                  2湯匙

砂糖                  1湯匙

味醂                  2湯匙

清水                  100mL

做法：

1.          雞扒用廚房紙吸乾水份，加入史雲生調味雞汁方便裝醃大約15分鐘。洋蔥切絲，雞蛋打散。

2.          在鍋內下少許油，放入雞扒（雞皮向下），煎至金黃色反面，煎另一面4-5分鐘，盛起後切件。

3.          用廚房紙吸去鍋內多餘的油份，加入洋蔥，中小火炒香，攪勻汁料加入煮滾。

4.          加入切好的雞扒在中央，倒入蛋液煮滾，轉小火加蓋煮1-2分鐘便成。

5.          在大碗內盛好白飯，將煮好的雞扒和汁料放在白飯上，趁熱享用。

小貼士：

1.          想加為汁料添日式風味，可以加入1/2茶匙鰹魚素在清水中攪勻一同煮！

2.          不用雞扒，可以用炸豬扒或煮鰻魚代替呀！

3.          用一包史雲生調味雞汁方便裝醃肉，就足夠調味～不需要額外調教醃料呀！

4.          在表面撒少許青蔥或紫菜來拌食也不錯。 

XO醬三色椒炒肥牛 (內附食譜)

上星期日係娘家買左魷魚圈，用左一樣配料炒，大家都話配料好食，但魷魚圈就冇味。

魷魚圈本身係冇味，加上自己懶冇打茨，炒到乾身就上碟。

大家都話炒牛柳粒或者肥牛會好好味，所以今日就炒肥牛，但因為肥牛會出油和少少水，所以調味份量改左，原來大家都好鍾意食3色椒，但我就唔食的。

XO醬三色椒炒肥牛

材料：

肥牛        1磅

洋蔥(大)    半個

青椒        1個

紅椒        1個

黃椒        1個

生粉水      適量

調味料：

糖          2茶匙

魚露        2.5湯匙

XO醬       1湯匙

做法：

1.      肥牛遂片弄開，備用。

2.      洋蔥、三色椒切絲，備用。

3.      炒香洋蔥，盛起。

4.      炒香三色椒，加入洋蔥，炒勻。

5.      將肥牛平均放入鑊中，炒勻。

6.      加入調味料，試味，最後加入生粉水，即成。

貼士：

·         由於每個人口味不同，所以試味後才加生粉水。

全蛋海綿蛋糕@檸檬糖霜 (內附食譜)

今次係小王子下個月生日預演，因為小王子學校生日要帶一個蛋糕返去，原本諗住整綠茶凍餅，但綠茶唔係人人啱，仲要係小朋友，見到Tinrry老師呢個蛋糕幾好，一於整呢個喇！

我冇專登去搵青檸，所以用左黃色檸檬，雖然小王子話好食，問佢呢個做生日蛋糕拎返學校好唔好？佢又話唔好，咁我唯有諗過另一個。

全蛋海绵蛋糕

食譜來自：https://www.youtube.com/watch?v=gKdhCxZ7SpA

全蛋海绵蛋糕材料：

雞蛋                  3隻 (約130克)

細砂糖              100克

無鹽牛油          30克

純牛奶              30克

低筋麵粉          100克

檸檬糖霜材料：

檸檬汁              15克

食用水              2克

糖粉                  100克

青檸檬皮          1個

備註：

·         配方中的份量可以制作1個直徑15厘米6英寸的全蛋海綿蛋糕。

·         3隻蛋總重液130克，蛋連殼一隻重約50克左右。

·         6吋活動蛋糕模的底部和側邊都鋪上牛油紙，把牛油紙塞住活動底模具的邊緣，再把底部的油紙放在裡面。(這樣的話就不會輕易移動)

·         蛋液需要加熱到38度左右。(容易起泡，打發起來)

·         先把水加熱，鍋蓋打開就可以，水加熱到有一點點燙手和有一點點冒熱氣，底部有比較密集的水泡，表示加熱完成，可以關火，不需要沸騰。(防止蛋液加熱過度)

做法：

1.      上下火160度預熱焗爐。

2.      將3隻蛋打入比較大的碗內，用打蛋器的低速把雞蛋打散，混勻幾圈就可以。

3.      蛋打散後加入細砂糖一次性的全部加入，用電動打蛋器輕輕攪勻，但不要開。(以免細砂糖飛濺)

4.      開電動打蛋器用低速把蛋液和細砂糖稍微混勻就可以。

5.      把蛋液放入到已加熱好的熱水裡，同時用高速打發。(高速目的讓蛋液快速均勻受熱)

6.      蛋液加熱到38度左右，用手指放入蛋液裡感覺溫溫的就可以拿出來。

7.      將無鹽牛油、牛奶隔熱水融化成液體，繼續用高速打發蛋液，蛋液要把它打至冷卻。

8.      用刮刀把邊緣不均勻的蛋液刮一下，繼續用高速打發，蛋糊出現紋路慢慢消失，就要停止打蛋器。

9.      提起蛋糊可以劃一個8字慢慢消失，表示蛋糊高速打發差不多。(蛋糊表面非常多大小不一的泡泡是正常)

10.  把打蛋器轉為低速調整一下氣泡，約打3-4分鐘蛋糊非常細膩。

11.  蛋糊紋路消失緩慢就可以停機，提起蛋糊可以劃一個8字不消失，即蛋糊做好。

12.  將低筋麵粉均勻過篩在蛋糊表面，用刮刀把麵粉和蛋糊翻拌均勻。

13.  首先刮刀可以從邊緣划進去，一定要把盆邊刮乾淨，從中間划上來，低筋麵粉就會從2邊散開。

14.  手法要輕一點，但速度要快一點，翻拌到看不到低筋麵粉就要停。

15.  將一小勺的麵糊加入無鹽牛油、牛奶用手動打蛋器混合更均勻，消泡不要緊，要快手。

16.  輕輕倒回蛋糊表面，用翻拌手法從中間划入邊緣提起，完全翻拌後會細膩和看不見有明顯顆粒，但會有一些大小不均勻的泡泡是正常。

17.  翻拌好的麵糊會形成飄帶狀，而且能看見紋路，但靜置一會它會慢慢消失，就是成功的麵糊。

18.  馬上倒入模具，距離模具20CM的高度緩慢的流落下去。(作用可以消除一些大氣泡)

19.  把麵糊慢慢撥動下去，然後櫈一下模具，馬上入焗爐。

20.  上下火160度中層，焗35分鐘左右。

21.  出爐後輕摔一下模具，讓熱氣從裡面迅速散出來。

22.  脫模連牛油紙一齊待涼，待涼後輕輕撕去牛油紙，倒扣在蛋糕上碟上，再輕輕撕去底部牛油紙。

23.  檸檬削皮，再榨汁。

24.  糖粉加入檸檬汁，用手動打蛋器攪拌均勻，先不要加清水。

25.  比較稠時表示不夠水，加入一點點清水，每次加少少水來調教糖霜稀稠度。

26.  糖霜有流動性表示稀稠度可以，馬上加在蛋糕上。

27.  倒1/2 或 1/3在蛋糕上，用小抺刀輕輕撥動糖霜，在邊緣形成滴落效果，把剩餘的倒埋蛋糕上。

28.  蛋糕面撤上檸檬皮屑，用手輕輕掐一點，放在邊緣上一圈就可以，切半片檸檬放中間。(大力的去戮會結塊)