蕃茄肉醬長通粉 (內附食譜)

今早返學時落大雨，學校準家長送到入學校禮堂幫學生整理完才離去。

老公抱住小王子送他回校，小王子負責擔傘，而我就尾隨，好似打仗般。

老公濕晒就唔駛講，而小王子抱住都濕，老公放下小王子就離開上班去。

我回到家接到老公電話，他已上車可是仍在家附近，我說剛回來聽到街坊話家附近有交通意外。

其實，老公今日本身身體有點不適，所以決定下車回家睇醫生。

我驚放學時段都係咁大雨，怕老爺接放學危險，所以我請了假，照顧2位老闆。

今晚問小王子想食咩？佢話想食長通粉。

他很喜歡長通粉，咁今晚就煮它吧！

蕃茄肉醬長通粉

材料：2人份

長通粉                   299克

蕃茄 (連蒂)          45克 (1/4個)

洋蔥                       45克 (1/4個細)

蒜頭 (連皮)          12克 (2粒)

牛肉碎                   86克

豬肉碎                   86克

水                           1湯匙

鹽                           適量

油                           適量

調味料：

茄膏                       1湯匙

意粉蕃茄醬           10湯匙

蕃茄汁                   1湯匙

鹽                           少許

糖                           少許

做法：

1.          蕃茄去蒂切件。

2.          洋蔥切細粒。

3.          蒜頭去衣切碎。

4.          滾水加鹽和油落長通粉烚11分鐘。

l   烚長通粉的水留用，可用來調較汁的稀杰度，因為長通粉水含有澱粉質。

5.          熱鑊下油炒香蒜頭和洋蔥粒。

6.          加入蕃茄炒30秒，落1湯匙水炒至蕃茄溶。

l   加水使蕃茄容易煮溶。

l   蕃茄的溶爛程度隨自己喜歡。

7.          加入調味料炒勻，試味。

l   每隻牌子的意粉蕃茄醬味道都不同，記得試味。

8.          加入烚好的長通粉炒勻，試味，即成。

l   加入長通粉會帶點水份，所以要再試味。

椰汁饅頭 (內附食譜)

初初未結婚冇焗爐，我係整中式野，好間中整饅頭。

我好鍾意食饅頭，裝上搵到個食譜超簡單的，唔駛點搓，而且一定成功。

小王子話要明天食饅頭做早餐，所以湊左佢返學就動手做整。

我見雪櫃有椰汁，所以就寫下椰汁饅頭食譜，做法就跟之前的。

我整左4個迷你版，有淡淡椰香，但我覺得可以再濃一點，而甜度就夠了。

我有時間再研究一個特濃版先。

睇下內部組織幾靚。

椰汁饅頭

材料：4個小型

中筋麵粉                           50克

椰汁                                   25克

糖                                       8克

酵母                                   1克

麵糰重量：83克

做法：

1.          椰汁用暖水座至微暖。

l   若椰汁本身是室溫可省略此步驟。

2.          將所有材料搓勻成糰。

l   水份要視乎天氣和麵粉的牌子，到時要自行調教。

l   麵糰比較乾，加晒食譜的水份都未能成糰，就可以再加少少，但緊記要逐少加，只要剛好搓成糰就可以。

3.          放入膠袋內每隔15分鐘，然後取出搓40秒，重覆此動作2-3次後麵糰搓至軟滑。

4.          平均分割成4份，放上烘焙紙上，發酵50分鐘，最後發酵完成，。

l   可用焗爐的發酵功能，放杯滾水有助發酵，需換水一次。

l   可座30-40度水來發酵，若天氣熱就不用了。

l   發酵不要超過1小時。

5.          用中火蒸15分鐘，開少少蓋攝一隻筷子疏氣2分鐘。

朱古力粒花生醬曲奇 Peanut Butter Chocolate Chip Cookies (內附食譜)

今日要帶小王子去做評估，所以放假。

早上湊左小王子返學就整曲奇，因我見有盎花生醬在家中，又得我一個食，但而家減肥少用。

我見呢個食譜幾方便，順便可以清下盎花生醬。

這曲奇好味，不過冇睇火，所以有啲深色左。

花生醬仲未用完，下次想整野又想快就整它，因為冇牛油，隨時可以整。

朱古力粒花生醬曲奇 Peanut Butter Chocolate Chip Cookies

食譜來自：星級私房曲奇

材料：30塊

花生醬                        150克

砂糖                            60克

全蛋 (拂勻)               23克

雲呢拿香油                1/8茶匙

食用梳打粉                1/4茶匙

黑朱古力粒                12克

做法：

1.          預熱焗爐至165度。

2.          花生醬加入砂烙用膠刮打勻。

3.          蛋液和雲呢拿油分兩次加入打勻。

4.          加入梳打粉拌勻。

5.          加入黑朱古力粒拌勻。

6.          用雪糕勺分8克一個，用手搓成圓球。

7.          把圓球每相隔1吋半排放上焗盤輕按扁，即可以爐。

8.          用160度，焗13-15分鐘。

貼士：

l   這款曲奇沒有加入麵粉，所以花生醬味相當濃郁。

香檸紅茶指環 Lemon Tea Rings (內附食譜)

今日放假半天日假陪小王子下午上學校的網課，所以又有時間來整曲奇。

這款曲奇老公都OK，因為食落好似之前的〝伯爵紅茶曲奇〞。

我發覺爐溫越來越唔均勻，之前都唔夠成品上色有咁大差別，而家要中途轉位。

製作過程：

• 我全程都係用175度，焗15分鐘。
• 爐溫唔平均，調轉頭焗多一分鐘。

香檸紅茶指環 Lemon Tea Rings

食譜來自：星級私房曲奇

材料：35塊

無鹽牛油                    70克

糖霜                            30克

鮮奶油                        16克

紅茶葉                        2克

低筋麵粉                    90克

檸檬皮茸                    2克

預備：

l   糖霜過篩。

l   檸檬洗淨磨皮與已過篩低筋麵粉混合。

l   煲熱鮮奶油，熄火，加入紅茶葉浸片刻，待出茶味。

l   21號8花瓣唧嘴。

做法：

1.          預熱焗爐至170度。

2.          將牛油以電動打器打發至微。

3.          加入已篩過的糖霜用膠刮混和，再用電動打蛋器打勻。

4.          紅茶鮮奶油分次加入打勻。

5.          低筋麵粉分數次加入，並輕輕用膠刮拌勻。

6.          將麵糰放進唧花袋，先將空氣擠出，才可在焗盤上擠圈形。

7.          用165度，焗12-14分鐘，即成。

貼士：

Ø   可以用從紅茶包拆開的茶葉便可。