綠茶鳥結糖 (內附食譜)

 上次買左2包棉花糖，一包就跟肥媽整左〝鳥結糖〞，而今日就用埋另一包。

今次都係用肥媽食譜，但我自己加左綠茶粉，就變左綠茶味既鳥結糖。

大家試整左一次先，如果唔夠綠茶味下次再調教，因為每隻綠茶粉都不同，多怕會苦。

我的綠茶粉係烘焙店買普通的，之前用過宇治綠茶粉會有點苦。

綠茶鳥結糖

食譜來自：https://fb.watch/1_Wd9YfrQI/

材料：

無鹽牛油                 50克

白色棉花糖             150克

紅莓乾                      50克

開心果                      70克

奶粉                           90克

綠茶粉                       10克

食用米紙                 適量

做法：

1.       奶茶和綠茶粉撈勻。

2.       牛油落鑊，用細火煮溶，之後放入棉花糖，慢慢煮溶，直至成糖漿。

3.       放入綠茶奶粉攪均，之後熄火。

4.       倒入開心果，紅梅乾，再攪均。

5.       準備平底長方形鐵盤，鋪上烘焙紙，之後倒入步驟3已攪均的棉花糖漿。

6.       再用刮刀壓平，之後利用刮刀整成長方形，高度按自己喜歡，之後再推向盤邊，令長方形形狀更出。

7.       之後放入雪櫃冷藏大約15-20分鐘。

8.       取出已雪凍的鳥結糖，切條，再切成長方形粒狀，上碟，即成。(或者可以用食用米紙包成糖果)

椰漿鮮奶燉蛋白 (內附食譜)

今日整〝黃金糕〞有蛋白、椰漿剩，所以整個〝 椰漿鮮奶燉蛋白〞比老公食。

原本諗住跟〝鮮奶燉蛋白〞的份量，將鮮奶改椰漿，但椰漿得返100毫升，所以就加鮮奶。

我又見椰漿比鮮奶杰身，所以就加多5毫升奶。

仲有2個蛋白，又要諗下整咩好！

椰漿鮮奶燉蛋白

材料：四方型，直徑10.5cm、高5.5cm

蛋白                    1隻

糖                        1/2湯匙

椰漿                    100毫升

鮮奶                    30毫升

做法：

1.          糖 + 蛋白攪勻。(用手動打蛋器)

2.          加入椰漿、鮮奶，攪勻。(用手動打蛋器)

3.          將鮮奶蛋白用茶隔過濾，倒入器皿中。

4.          蓋上錫紙，用中火蒸10分鐘。

5.          關火焗5分鐘，即成。

黃金糕 (內附食譜)

我又係想整好耐，但見個樣都覺得好難，所以一直冇睇食譜。

尋日放假突然抽起條筋去想整，就上網搵食譜。

食譜要發1.5-2小時，我趕住去接小王子放學，所以發左1個鐘就拎去焗。

切開內裡組織係氣泡好似麵包、蛋糕咁，結果失敗了。

今日再挑戰，用另一個食譜，其實，尋日都想跟呢個食譜，但要發酵8-10小時，所以冇跟。

待糕發酵其間我都有懷疑人生，間中都有打開來睇下，睇下糕漿表面有冇泡，又冇乜泡。

我又見片中酵母水好多酵母咁，而我既就好水下，但不要問只要信，最後出來都成功了。

今日7點幾就整，我足足整左12個鐘，真係好攰。

整後心得：

• 我見室溫都係十幾度就放焗爐發酵，我個焗爐有發酵功能。
• 糕發酵左9小時，因為我煮緊晚飯唔得閒。
• 我脫模時黏底倒唔到，我用手慢慢整出，所以表面都爛晒，糕有點變型，鋪烘焙紙就可以解決。
• 食譜原創者焗爐預熱5分鐘，我怕爐唔夠熱，所以預熱左10分鐘，可能咁樣熱得滯，糕黏模。
• 我切左個糕面，因為脫模時爛晒。
• 我用蛋糕模：(頂) 10.5cm (闊)x 20.5cm (長) x 7.5cm (高)，(底)8.5cm (闊)x 17.5cm (長) x 7.5cm (高)

黃金糕

食譜來自：https://www.youtube.com/watch?v=E9-oJ6IA9Bs

材料：

木薯澱粉                 100克

全蛋                         1個

蛋黃                         3個

椰漿                         80克

溫水 (38度)            20克

耐高糖乾酵母         0.3克（是的，你沒有看錯，就是0.3克）

細砂糖                     70克

做法：

1.          耐高糖乾酵母加入溫水內攪勻，備用。

2.          椰漿倒入小鍋中，開火煮開，關火。(等椰漿慢慢降溫)

3.          全蛋、蛋黃、細砂糖用高速打發，打至蛋發白和體積變大，稍微有點濃稠就可以。

4.          椰漿和木薯澱粉分2-3次加入蛋漿中，攪打均勻。

5.          加入酵母液，再攪打均勻，然後過篩。

6.          蓋上保鮮紙或布放室溫發酵8-10小時。(室溫26度發酵)

7.          模具掃上油。

8.          麵糊表面佈滿氣泡這狀態就好。

9.          用200度下火，關上火，預熱5分鐘。

10.      麵糊攪拌一下，有木薯澱粉沉澱。

11.      麵糊倒入模具中，表面有很多氣泡是正常，沒有就不正常。

12.      用200度下火，關上火，放中層，焗15分鐘。

13.      用200度上火，關下火，放中層，焗10分鐘。(表面已定型)

14.      用刮刀在邊緣刮一下，等蛋糕與模具分離。

15.      模型倒扣，反轉，放涼，切件。

特殊說明：

l   關於椰漿有不同的濃稠度，如果你買的椰漿是很濃的那種，可以用60克椰漿加20克水，如果你的椰漿是比較稀的，那就可以直接都加椰漿就行了，這個多點少點都無所謂的，並不會造成失敗。

l   木薯粉也一樣，有的配方多一點，有的配方少一點，這些我都有試過，也沒有什麼太大差別。

l   主要就是發酵狀態和烘烤溫度要掌握好才是成功的關鍵。

自宅簡單黑椒燒肉飯/おうちで簡単ペッパーランチ/Pepper Lunch Style Yakiniku Rice (內附食譜)

今晚唔知食咩好！尋日就上網搵下煮咩好食，結果去左Masa老師youtube睇。

我揀左跟Masa老師整Pepper Lunch，小王子都好鍾意食Pepper Lunch。

今次呢個好易，超易整，又快。

大家都覺得好味，不過，老公話油啲，梗係喇！我地啲牛肥丫嘛！

自宅簡單黑椒燒肉飯/おうちで簡単ペッパーランチ/Pepper Lunch Style Yakiniku Rice

食譜來自：https://www.youtube.com/watch?v=1WiQ1LH9CZs

 材料： [1～2人份]

白飯                           250克

牛肉薄片                   150克

清酒                           30毫升

味淋                            2大匙

砂糖                            1/2大匙

醬油                           2大匙

蒜泥                           1小匙

蔥                                1支

玉米粒                        2大匙

奶油                           2小匙

黑胡椒                       適量

變湊版(1)：

披薩起司                   50克

變湊版(2)：

韓式泡菜                    50克

變湊版(3)：

牛奶                            50毫升

鮮奶油                       50毫升

做法：

1.          蒜頭磨成蒜泥，加入清酒、味淋、砂糖、醬油攪勻。

2.          牛肉切成一半，切成容易吃的大小。

3.          將4湯匙調好的醬汁加入碗內，放入牛肉片醃大約5分鐘。

4.          調好的醬汁盛起，備用。

5.          蔥切丁，備用。

6.          白飯裝內碗內，備用。

7.          開中小火，牛油加入平底鑊中。

8.          牛油溶化，轉小火，白飯倒入鍋中央。

9.          醃過的牛肉放在白飯的旁邊。

10.      白飯上加上粟米粒、蔥、奶油。

11.      食時淋上醬汁，即成。

貼士：

l   可以變湊材料加入完成品中，有另一種層次。