黃糖糕 (內附食譜)

星期日，整左〝家鄉白糖糕 / 倫教糕〞 ，今日就整埋黃糖糕。

一底糕切左8舊，人手切當然有大有細。

我食左一舊，留返一舊比老公，另外2舊留返星期六老公同事來試。

我接小王子放學時，比左半底同學仔，仲要全部都係最大舊的。

小王子放學回來就話要食，比左少少佢食，然後就整lunch比佢了。

佢食完麵都未飽，於是食埋頭先果舊黃糖糕。

老公夜晚食完飯一陣都食左舊，佢話好食過〝家鄉白糖糕 / 倫教糕〞。

佢地本身唔鍾意食〝家鄉白糖糕 / 倫教糕〞，我就覺得2款都好食。

現在得返一舊，所以明天食埋佢，唔留星期六。

製作過程：

• 落粉攪完仲有粒粒，用隔篩篩過解決了。
• 我用左黑片糖，但色都係唔夠，因為我見街市果啲深色好多。
• 用左焗爐發酵功能，所以用左1小時就發起了。
• 用左15分鐘來鬆弛，因為個碟冇多餘空間，怕會發得好勁。
• 我用左8.5吋不鏽鋼碟剛剛好，份量再多就滿瀉。
• 我都係用耐高糖酵母。

我是買這款黑片糖。

黃糖糕

食譜來自：https://www.youtube.com/watch?v=qPW75m01jd8

材料：(9吋圓模)

a)中筋麵粉160克 (9%筋度)

木薯粉100克

高糖酵母3克

b)黃片糖125克

水240克 (煮好約340克)

c)米糠油 15克

泡打粉3克

冷水10克

工具：單柄鍋、蒸籠、9吋圓蒸碟 

做法：

1.      先把材料b煮成糖水，秤重約340克，份量不夠可額外加水，然後冷卻到35℃以下使用。

注意：加入酵母前，必須確保糖水完全冷卻至30°C左右。

酵母是活菌(微生物)，若温度太高，酵母容易死亡。

2.      材料a倒入大碗內拌勻，然後加入糖水拌成順滑的麵糊。

3.      蓋上保鮮紙室溫(25-28℃)發酵約2小時，直到體積膨脹2倍左右，撥開麵糊裏面有細密的網狀組織，同時又聞到微微的酸味，就是發酵完成。

l   如果天氣冷又沒有保溫，就需要發酵更長時間。

4.      材料c先用冷水開溶泡打粉，連同油一併倒入發酵好的麵糊內，充份拌勻後再倒入已抹油的蒸碟內，然後拿起蒸碟在桌上敲幾下，把大氣泡消除。 註：加入食油可以增加糕的透亮感並且提升柔軟度

5.      先讓麵糊鬆弛15-20分鐘，原因是加油後麵糊會消泡。

6.      入鍋前再多敲幾下來消除表面氣泡，氣泡越細蒸好後組織會越細密。

7.      放入滾水鍋內，用中大火蒸15-20分鐘至熟透。

8.      把糕取出，放涼後切塊食用。

賞味期：

1-2天。吃不完可以冷藏，但冷藏過需要蒸熱再放涼，才能恢復煙韌的口感。

家鄉白糖糕 / 倫教糕 (內附食譜)

我自小就好鍾意食白糖糕，之前都整過〝白糖糕〞，但要花好長時間去發酵。

有次見到星星師傅出片，就已經save低。

突然想做阿茂，就整中式，就整白糖糕。

一邊做個心就好期待成品，希望真成功就好了。

最終都冇令我失望，我食左1件，其餘的拿回娘家，因為老公和小王子都不太喜歡。

製作過程：

• 我用耐高糖酵母。
• 用左焗爐發酵功能，平時麵包會擺杯熱水，但今次冇，因溫度已足夠去發酵。
• 用8.5吋不鏽鋼碟，fit到爆。

家鄉白糖糕 / 倫教糕

食譜來自：https://www.youtube.com/watch?v=RboiTYVVpK4

材料：

清水                  300毫升

粘米粉              200克

砂糖                  100克

酵母                  5克

清水                  50毫升

生油                  1湯匙

做法：

1.      將清水 (50毫升)慢慢加入酵母內，不停攪等酵母溶解，備用。

2.      清水(300毫升)煲至約80度。(有少量蝦眼)

3.      粘米粉+砂糖混合。(撞熱水時粘米粉冇咁易起粒)

4.      將80度滾水慢慢撞入米漿，慢慢攪3分鐘，將米漿溫度降至30度。

• ·         這步驟叫撞漿，使粉在半熟狀態，粉漿在盤邊慢慢流落或是用手指刮盤邊有痕就對。
• ·         不停推使粉漿冇垃粒。
• ·         不停推使粉漿降溫至30度，太熱落酵母會死，酵母最佳溫度是20幾度。

5.      酵母水加入降至30度的粉漿中攪勻，等酵母和粉漿慢慢發酵。

6.      抺乾淨鋼盤，蓋上保鮮紙，放在適當溫度的地方。

7.      微波爐內放杯暖水、粉漿，保持30度。

8.      第一次發酵約一小時。

9.      取出稍為攪勻粉漿，加入生油輕輕攪勻，將剛才發起的氣泡攪返散。

10.  碟掃油，方便脫模。

11.  煲水約30度。(微微有煙出)

12.  第2次發酵20分鐘。

13.  攪勻粉漿倒入碟中。

14.  大火蒸15分鐘，關火焗5分鐘。

15.  完全放涼才脫模先容易起。

白糖糕 (內附食譜)

白糖糕係我鍾意的中式小吃之一，每次都會吃3-4件架！成日都好想知點整。   

前排到見到網友整〝自製白糖糕〞，賣相與街一樣。  尋晚我就動工嘞！

糕要發酵8小時，我就臨瞓前整定個漿來發酵。   

瞓醒就立即拎去蒸，真係好期待成品。   

出來賣相真的與街一樣，係食落實左D，若然唔係就完美嘞！  

朋友都話OK，係比平時硬左D，佢比較喜歡硬的，而我就鍾意食QQ的。   

甜味剛好，係硬左D啫！   

食譜出處沒有列出，因為已經變了不好的網站了。

後記：

• 3/5，我再蒸返熱來吃，熱食真係好軟熟，所以記得熱食喇！ 

整後心得：

• 隔晚後發現有沉澱物，我倒晚時候輕輕攪勻，因為怕泡泡會散，令到效果唔好。

白糖糕

材料:

粘米粉              100克  

糖                  80 克  

水                  220ml  

泡打粉              1/4 茶匙  

酵母                半茶匙  

溫水                1湯匙  

做法：  

1) 將糖加入水中用細火煮至糖溶化。  

2) 粘米粉、泡打粉過篩後撞入糖水，其間不停攪拌，以免起粒粒。  

3) 將粉漿用細火煮熱，不停攪拌，然後過篩待涼。  

4)  酵母加入暖水中拌勻靜待5 - 10 分鐘。  

5) 將酵母水倒入粉漿中拌勻發酵 8小時。  

6) 發酵完成後，將粉漿倒入已掃油既盤內，再用大火蒸30 分鐘。  

濃椰汁黑糖馬蹄糕 (內附食譜)

今日約左朋友們BBQ，尋日專登再整黑糖馬蹄糕，等朋友們又比下意見。

今次我將糖份量加左，白色粉漿全部用晒椰汁，等椰味再濃啲。

我用左〝黑糖椰汁馬蹄糕〞的一半份量，所以今次影相終於冇咁易跌了。

我係整白色粉漿時忘記全部用椰汁，好在夠馬蹄粉整多份。

朋友們都覺得夠甜了，不過有一個朋友話而家都夠，但椰汁味可以再濃啲。

朋友們都話好食。

今次兩父子都話夠甜了。

香濃椰汁黑糖馬蹄糕

參考食譜來自：https://www.youtube.com/watch?v=KH02wMCrYIo

黃色生漿材料：

馬蹄粉                          63克

清水                              250克

黑糖                              36克

白色生漿材料：

馬蹄粉                          63克

快達牌椰漿                  125克

白糖                              36克

Kara 純正椰漿             125克

黃色生漿做法：

1.      馬蹄粉，加125克清水，把馬蹄粉攪融化。

2.      融化後過篩，把沒融化的馬蹄粉過濾出來。

3.      鍋里加125克清水，黑糖，水開後關火，取一勺馬蹄粉生漿放進去。

4.      熬到粘稠後倒回馬蹄粉生漿裡，攪拌均勻，這樣，黃色生漿就做好了。

白色生漿做法：

1.         馬蹄粉，125克快達牌椰漿，攪勻。

l   如果前面過篩有顆粒，這裡還需要過篩

2.         鍋里加125克Kara 純正椰漿，白糖，把白糖融化，水開後也是關火。

3.         取一勺馬蹄粉生漿放進去。

4.         熬到粘稠倒回馬蹄粉生漿裡，攪勻就可以了。

組合：

1.         這樣，黃色生漿和白色生漿都做好了。

2.         蒸鍋裡放上方形容器，取一勺黃色生漿鋪在底部，蓋蓋中火煮到水開後再煮4分鐘。

3.         時間到了後，鋪一層白色生漿，蓋蓋中火再煮4分鐘 。

4.         就這樣，一層黃色一層白色，每加一次中火煮4分鐘，直到把所有生漿做完 。

5.         最後一次中火煮10分鐘，蒸好後出鍋冷涼，脫模，再切成小塊就行了。 

椰汁馬蹄糕 (內附食譜)

我成日都想整千層椰汁糕，但怕兩父子都唔食，所以一直冇整。

上星期小王子食過同學仔媽咪整的椰汁糕話好食，今日我就開動噜！明天放在小王子餐盒中。

上網睇左幾個食譜，這食譜用的份量簡單，因為我覺得不一定要用杯，總之用同一個器皿去量就是。

尋日買左罐快達牌椰漿，原來得400毫升，食譜要用2杯，所以我就以椰漿來做單位，全部材料減份量。

點知！原來上次買盒細馬蹄粉得250克，咁而家唯有將原食譜份量減半。

視頻冇講用幾大的兜，只是話正方形，我爭札左好耐都係用家中最大的玻璃兜。

好彩！又夠用，仲有約半寸先到頂。

小王子話好食，但佢喜歡同學仔媽咪整的多啲，因為甜和實啲。

我同老公都喜歡過個，因為Q彈得來又唔實。

甜味是淡淡的，可以再甜一點，可能用返紅糖會甜啲，但我覺得OK，老公就當然唔夠甜喇！

我想椰汁味再濃一點，現在唔夠，有時間又改良下。

製作過程：

• 用黑糖代替左紅糖。
• 我一杯的份量係250毫升，整到12層，我數過視頻有11層，我只用左一半份量，所以視頻的一半份量應該冇250毫升。
• 我用的玻璃兜：17 x 11cm (底)，13.3 x 19cm (頂)，8.7cm (高)，容量測試過1400毫升。
• 每次一勺，量過約有90-92克，最尾果一、二層當然會少啲或多啲。
• 蒸完出來表面有少少水，放一陣就會沒有，所以不用理會。
• 模具不用墊紙或掃油，放涼後好易脫模，其實放涼途中有啲地方都自行離模。

椰汁馬蹄糕

食譜來自：https://www.youtube.com/watch?v=KH02wMCrYIo

黃色生漿材料：

馬蹄粉              1杯

清水                  4杯

紅糖                  半杯

白色生漿材料：

馬蹄粉              1杯

清水                  2杯

白糖                  半杯

椰汁                  2杯

黃色生漿做法：

1.      馬蹄粉1杯，加兩杯清水，把馬蹄粉攪融化。

2.      融化後過篩，把沒融化的馬蹄粉過濾出來。

3.      鍋里加2杯清水，半杯紅糖，水開後關火，取一勺馬蹄粉生漿放進去。

4.      熬到粘稠後倒回馬蹄粉生漿裡，攪拌均勻，這樣，黃色生漿就做好了。

白色生漿做法：

1.         馬蹄粉1杯，2杯清水，攪勻。

l   如果前面過篩有顆粒，這裡還需要過篩

2.         鍋里加2杯椰汁，半杯白糖，把白糖融化，水開後也是關火。

3.         取一勺馬蹄粉生漿放進去。

4.         熬到粘稠倒回馬蹄粉生漿裡，攪勻就可以了。

組合：

1.         這樣，黃色生漿和白色生漿都做好了。

2.         蒸鍋裡放上方形容器，取一勺黃色生漿鋪在底部，蓋蓋中火煮到水開後再煮4分鐘。

3.         時間到了後，鋪一層白色生漿，蓋蓋中火再煮4分鐘 。

4.         就這樣，一層黃色一層白色，每加一次中火煮4分鐘，直到把所有生漿做完 。

5.         最後一次中火煮10分鐘，蒸好後出鍋冷涼，脫模，再切成小塊就行了。