美式核桃餅乾 (內附食譜)

明天約左朋友食lunch，而且星期六又有朋友聚會，所以今日開爐先。 

其實，我都有想過打退堂鼓，因為太耐冇烘焙團火有點熄了。

我焗完這款餅乾，又整左〝老婆餅〞，因為星期六班朋友好鍾意食。

我食埋早餐都差不多10點，所以時間有點趕。

最後果盤出爐就立即去接小王子放學，回來煮午餐，又教小王子功課，3點幾先有時間洗碗。

今次餅乾冇試食，只係食左甩出來少少的，味道都唔錯，好香。

點解唔試食？因為呢排磅數每日都升，差少少就快到我底線了。

美式核桃餅乾

食譜來自：手作烘焙教科書

材料：

低筋麵粉            125克

泡打粉                3克

二砂糖                15克

細砂糖                75克

雞蛋液                50克

核桃                    90克

做法：

1.          核桃稍為切碎，備用。

2.          鋼盆加入室溫軟化的無鹽奶油、細砂糖、二砂糖。

3.          以打蛋器打發，材料狀態會變得膨發一點、呈乳白色。

4.          加入全部雞蛋液，拌至材料與蛋液融合即可。

5.          加入過篩泡打粉、過篩低筋麵粉拌勻，刮刀由底部沿著鋼盆邊緣，將材料朝中心拌入，連續不間斷的翻拌，拌至自不見粉粒。

6.          加入合核桃拌勻。

7.          湯匙挖起整形，間距相等的撥入不沾烤盤，不用把它聚合，也不需要壓太扁，讓它自然隨意拓開就好。

8.          送入預熱好的烤箱，以上下火170度，烘烤20-25分鐘。

香蕉糕 (內附食譜)

今日約左朋友，我見自己好耐冇做阿茂，就諗住開爐整蛋糕，後來都係懶就放棄左。

不過，我又想整下野，就轉整合桃酥，但又冇晒臭粉，最後整左中式。

我鍾意食香糕，這食譜多年前用過~好食，糕身好軟身。

全個成品都與街一樣，係唯獨欠了香蕉糕陣味。

因為買唔到以前用開的香蕉油，用左係超市都買到既香蕉油，聞落陣味真係差啲。

製作過程：

• 香蕉糕一向都係甜，本想減糖，但睇返之前家人的意見~甜度OK，好在冇減，因為真係唔甜，呢個真係減糖版。
• 我放涼左5-10分鐘先切和上糕粉。
• 切的刀沾上糕粉，咁樣就唔黏刀。

香蕉糕

材料：(28條，8吋正方形模，長5cm闊1吋~長形)

糯米粉                              200g

粘米粉                              85g

砂糖                                  150g

溫水                                  265g

香蕉油                              1 1/2湯匙

糕粉 / 熟糯米粉              適量

做法：

1)      將粉類過篩，其加入砂糖混合。

2)      加入暖水攪拌，並加入香蕉油。

3)      把己混合好的糊倒入已掃油的模中，用中大火隔水蒸15分鐘。

4)      熟後取出香蕉糕，其切成條型，趁熱沾上熟糯米粉。

 

備註：

l  熟糯米~可以用白鑊將糯米粉炒至金黃色即成。

上海炒烏冬 (內附食譜)

自從冇返工後，每朝湊小王子返學，然後又接放學。

小王子返學時就是我的Me Time，呢段時間一係就去街市買餸，一係就回家執屋。

當食早餐既時候我就煲劇，直到接小王子放學，中間會預少少時間預備午餐。

我有時煲緊劇唔想郁，所以尋晚我就醃好左今日午餐的肉。

我煮既時候才發現我攪錯了，將調味料頭3樣來左用醃肉，邊煮邊擔心會否好鹹？

可能這是健康食譜，所以味道剛好，係調味既時候只落代糖就算。

上海炒烏冬

食譜來自：營養師的500卡瘦身食堂

材料：447千卡

烏冬                                1包

瘦肉                                80克

冬菇                                2隻

椰菜                                1/4個

芽菜                                1/2碗

蒜頭                                1/2瓣

薑                                    2片

油                                    2茶匙

調味料：

生抽                                1茶匙

老抽                                1茶匙

蠔油                                1茶匙

煮食用的代糖                1/2茶匙

生粉                                1/2茶匙

水                                    1/4碗

瘦肉醃料：

生粉                                1/3茶匙

胡椒粉                            1/4茶匙

做法：

1.          瘦肉洗淨，瀝乾，切絲，用瘦肉醃料醃好。

2.          冬菇洗淨，用水浸軟，瀝乾，去蒂，切絲。

3.          椰菜洗淨，瀝乾，切絲。

4.          芽菜去芽及根,洗淨，瀝乾。

5.          蒜頭去衣，剁碎成蓉。

6.          薑去皮，洗淨，瀝乾，切絲。

7.          將調味料拌勻。

8.          燒熱易潔鑊，下油，炒香薑絲及蒜蓉。

9.          放入瘦肉絲、冬菇絲和椰菜絲，炒勻，至瘦肉熟。

10.      加入烏冬和調味料炒勻，直至烏冬炒至軟身及色澤均勻。

11.      放入芽菜，略炒，上碟，即成。

小煮意：

l   冬菇用熱水浸泡，可縮短浸軟時間，但香味會略減。

l   烏冬炒前不宜煮熟，以免質感過份腍軟。

日式牛肉丼 (內附食譜)

我將肉的份量加多40克，咁樣我先夠我這餐蛋白質的份量。

雪櫃有封門牛柳，所以冇用瘦牛肉。

每次裝飾部份都係忘記了，所以冇加到黑芝麻和七味粉。

這個易整又好味，下星期再煮多次先。

日式牛肉丼

食譜來自：營養師的500卡瘦身食堂

材料：412千卡

瘦牛柳                   40克

洋蔥                       1/4個

珍珠米                   1/3碗

雞蛋                       1隻

油                           1茶匙

牛柳片醃料：

味淋                       2茶匙

胡椒粉                   1/4茶匙2棋

調味料：

黑芝麻                   1/3茶匙

七味粉                   1/3茶匙

甜豉油                   1茶匙

煮食用代糖           1/3茶匙

做法：

1.          瘦牛柳洗淨，瀝乾，依橫紋切薄片，用牛柳片醃料醃好。

2.          洋蔥去衣，切條。

3.          珍珠米洗淨，放入電飯煲內，調較好米水，煲熟，用碗盛起。

4.          燒熱易潔鑊，下油，炒香洋蔥條。

5.          加入牛柳片略炒，再放入甜豉油及代糖，炒勻。

6.          加入雞蛋，煮至半熟，然後放於珍珠米飯上。

7.          最後灑上黑芝麻及七味粉，即成。

小煮意：

l   用牛柳切薄片來代替肥牛片，能大大降低脂肪之餘，亦能保持牛肉肉質嫩滑。

l   不喜歡吃生蛋的朋友可以用炒滑蛋替代。

鮮奶蛋白撻 (內附食譜)

今日午餐整左〝傳統忌廉意大利麵〞剩左一個蛋白，用它就整左個Tea比老公吃。

之前跟朱Sir整〝蛋撻 〞用剩的蛋撻皮放左係冰霜，夾埋個蛋白就可以整〝鮮奶蛋白撻〞。

這款我好多年前都整過，不過係用舊焗爐整。

食譜的撻皮係好多份量，所以整既時候要自行減份量。

我個焗爐要教低溫少少，因為焗左幾分鐘個撻皮已上色。

老公話個蛋撻甜，下次要減糖。

製作過程：

• 我個焗爐爐火勁，所以要望緊，我有蓋錫紙，唔係就好易燶。
• 焗完18分鐘後，蛋撻中心都係蕩下蕩下，所以改150度焗多3分幾鐘，中心還有少少蕩，我就出爐，用餘溫令它凝固。
• 我的撻模係7cm，用一個蛋白整到3個。

鮮奶蛋白撻

食譜來自：一個蛋撻的誕生

牛油皮材料：

牛油 (室溫)          225克

低筋麵粉                    340克

糖粉                            60克

奶粉                            30克

雞蛋                       1隻

鹽                               少許

鮮奶                            少許

牛油皮做法：

1.            麵粉、糖粉、奶粉及鹽同過篩。   

2.            中間挖一穴。   

3.            加入牛油、雞蛋及鮮奶。   

4.            先搓勻中間的材料，再慢慢撥入粉類混和並搓勻成麵糰。   

5.            將麵糰搓成長條，再分成30克小份。   

6.            麵糰逐一略按扁，放入8厘米圓形撻模內，沿撻模由底而上推按成厚薄均勻的撻皮，即可使用。

鮮奶蛋白材料：8cm直徑6個

蛋白(拂勻)              170克

砂糖                         60克

鮮奶                       140克

清水                       60克

鮮奶蛋白做法：

1.            預熱焗爐至230度。   

2.            砂糖及清水拌勻至砂糖溶解，加入鮮奶及蛋白拌勻。   

3.            將撻皮排放焗盤上，注入鮮奶蛋白漿至9成半滿。   

4.            放入已預熱焗爐，以230度焗18分鐘至金黃便可。        

師傅教路：

l   麵糰先沾上少許麵粉才放入撻模，再灑上少許麵粉，才推按成撻皮，可防止撻皮黏手。