棵黃時鐘花越長越高，屋企冇位擺，所以要棄掉。
屋企樓下有個花圃，今朝問左看更，唔要可以擺花圃門口。
之前有人擺左啲蘭花係門口都被人搬左入花圃，不過我這盆咁普通，希望有人收留喇！
小王子都好似盆花咁高就好了。
2018年5月26日星期六
蔥花蝦米腸 (內附食譜)
上次整比老豆既〝蔥花蝦米腸〞要用馬蹄粉，雖滑，但唔太鍾意有馬蹄粉味，又要用澄麵。
Facebook見到朋友整腸粉用料簡單，所以今日整左，家人都話滑。
以下份量整到9條，都要視乎你落幾多粉醬去蒸。
起初用2分鐘蒸，後來整厚少少就用左2分20秒。
每次下粉漿都要攪勻先。
我有上次經驗，盤不要掃太多油，粉漿好難舖滿盤。
蔥花蝦米腸
材料：
粘米粉 100克
木薯粉 半湯匙
清水 300克
鹽 1/4茶匙
油 1茶匙
蔥花 適量
蝦米 適量
做法：
1.
材料拌勻。
2.
薄薄倒入已掃油的長方盤中，加入蔥花蝦米。
3.
用大火蒸2-3分鐘，取出捲成腸粉形，即成。
肉菇絲蠔炒米粉 (內附食譜)
小時候，阿媽有聚會時有個朋友都會煮這個炒米粉。
每次我都會食好多，之後漸漸少聯絡，就冇機會再食。
我一直都掛住這個味，所以我就自己煮~成功了。
肉菇絲蠔炒米粉
材料：(5-6人份)
米粉 (天鵝牌) 400克 (一包，6個米粉餅)
蠔油
2湯匙
配料：
冬菇 (切絲) 1碗
瘦肉 (切絲) 1碗
銀芽 半斤
醃料：
糖 少許
鹽 少許
油 少許
生粉 少許
獻汁：
糖 3湯匙
鹽 1茶
水 2.5碗
蠔油 6湯匙
生水 適量
做法：
1.
瘦肉洗淨切絲用醃料醃一陣。
2.
冬菇洗淨浸軟，去蒂榨乾水份切絲。
3.
獻汁材料除生粉外，全部攪勻，備用。
4.
米粉浸軟隔去水份。
5.
用中火分別爆香瘦肉、銀芽、冬菇，盛起。
6.
熱油下米粉，加2湯匙蠔油+6湯匙獻汁，中小火炒勻，用碟盛起。
7.
獻汁加入配料煮滾，加入生粉水。
8.
將配料和獻汁淋在米粉上即可。
貼士：
l 銀芽用1湯匙水炒至半軟身。
l 米炒炒2-3分鐘便可。
l 天鵝牌米粉冇咁易斷。
2018年5月22日星期二
與婆婆野餐、玩泡泡@觀塘海濱公園
今日阿媽來我家附近辦事，所以就帶佢去〝觀塘海濱公園〞野餐+小王子玩泡泡。
可能太熱玩完小王子話唔舒服，叫佢休息一陣，轉個頭叫佢食糖就精神晒。
走既時候行出去途中遇到個朋友，佢和朋友行緊入去〝觀塘海濱公園〞。
跟住又有舊同事打來佢又入左去〝觀塘海濱公園〞，可惜我走了。
坐返上次個位，就係前面有頂既地方。
今日勁鍾意玩呢支，上次就玩槍。
嘩~大力吹
吹到眼和頭髮都有泡泡
老公頭先睇到有魚跳上水面，帶埋小王子去睇，佢話太熱，魚都浮晒上水面。
叫小王子影相佢就唔正經
棉花蛋糕 (牛奶) Cotton Cake (Milk) (內附食譜)
之前已經整過一次，但用左6吋方模，出來效果矮，有輕微鴛鴦色，應該攪唔勻。
上次雖然不完美，但隔日食都鬆軟，今次用返6吋圓形模，發得高。
味道清淡，少少甜，鬆軟，阿媽~讚！
我用的蛋一隻48-50克，所以冇原食譜咁高。
食譜話蛋白打發到濕性發泡，我就打到咁樣，而蛋白係可以流動的。
切件
棉花蛋糕 (牛奶) Cotton Cake (Milk)
材料：
玉米油 40克
特幼超低筋麵粉 50克
蛋黃 3個
全蛋 1個
牛奶 50克
海鹽 1克
蛋白 3個
白糖 40克
*我用的蛋一顆有50克-56克，淨蛋，沒有包括殼。
模具：6吋圓形滑底模
溫度：水浴法 (熱水)
170度，單單上火，中下層，烤40分鐘
150度，上下火，中下層，烤20分鐘
蛋糕表皮上色後用錫紙蓋著，避免烤得過焦(時間與溫度可依自家的烤箱而做調整)
做法：
1. 6吋圓形涌底模外層以錫紙包裹好，避免水份流進去。
2.
玉米油加熱至看到紋路，熄火，馬上倒入過篩了的低筋麵粉，用刮刀攪拌成燙麵糊，
直到順滑為止，待稍涼備用。
3.
蛋黃加入一個全蛋，加入牛奶，用手打蛋器攪拌均勻。
4.
然後加入燙麵糊和海鹽用手打蛋器拌成繼續攪拌，成順滑可流動的稀糊狀蛋黃糊。
5. 蛋白打至粗泡，分3次加入白糖，打發到濕性發泡的程度。
(提起打蛋器，蛋白挺立但最尖端處輕微下垂即可，不用打到乾性，不然與蛋黃液攪拌的時候費勁。)
6. 取1/3蛋白，加入蛋黃糊裡，用手打蛋器由底往上翻拌均勻，再用刮刀把邊邊底部刮干淨拌均勻。(注意不要轉圈攪拌，否則容易導致打發好的蛋白消泡)
7. 倒入剩下的2/3蛋白裡，同樣的也是用手打蛋器由底往上翻拌均勻，才用刮刀把邊邊底部刮干淨拌均勻，即成棉花蛋糕糊。
8. 棉花蛋糕糊倒入包裹好的模具，抺平表面輕頓數下，把棉花蛋糕糊裡的氣泡頓出，即可烘烤。
9. 烘烤完畢一出爐，在桌子上輕頓一下散熱，然後馬上倒扣，避免蛋糕塌陷，待涼後即可脫模享用。
芝麻餅 (內附食譜)
10年前網上睇到有Blog友整，我又跟整阿媽讚好，但今次有點失手，冇之前咁好。
問題出係
芝麻餅
材料:
低筋粉 100克
糖 45克
泡打粉 1/4克
梳打粉 1/8克
水 10克
菜油 25克
蛋 20克
芝麻 半飯碗
做法:
1)
低筋粉、泡打粉、梳打粉過篩，加入砂糖。
2)
將油、水、蛋加入粉內拌勻。
3)
將麵糰分成每一個10克，灑上芝麻再再壓扁，放在牛油紙上。
4)
以170度焗15分鐘或餅面變金黃即完成。
整後心得：
起初覺得麵糰10克好細，所以第一盤我試整每塊15克，焗出來效果唔係咁好，第二盤就整回10克一塊，而且盡量壓扁，因為它在爐內會發大，壓得扁扁，再發大後會好看些。
2018年5月20日星期日
豉椒蒸排骨 (內附食譜)
〝豉椒蒸排骨〞真係好耐冇整，因為試過有一年差唔多每星期都會整一次，除左老公鍾意食之外，因為我返工帶飯方便，自果一年後講左唔再整。
今日係娘家整左〝薯仔炆雞翼〞，但老公唔食雞翼，所以破例整。
豉椒蒸排骨
材料：(2人份)
腩排 301克=1/2斤
豆豉 2湯匙
蒜蓉 2湯匙
乾辣椒絲 1/2茶匙
蔥花 少許 (可以不加)
醃料：
鹽 1/4茶匙
糖 2 1/2茶匙
豉油 2 1/2茶匙
生粉 2茶匙
水 2湯匙
油 1茶匙
做法：
1.
將排骨洗淨，隔去水份。
2.
豆豉壓爛，加入蒜蓉和辣椒撈勻。
3.
鹽、糖、生粉、豉油加入排骨內撈勻。
4.
將(2)加入排骨內撈勻。
5.
再加水撈勻，最後加入油撈勻。
6.
醃15分鐘或以上，倒入碟內。
7.
燒一鑊水，水滾放入排骨，再以中大火蒸15分鐘，撒上蔥花即成。
薯仔炆雞翼 (內附食譜)
之前阿媽問我今日煮咩？整好耐都冇整既〝薯仔炆雞翼〞又簡單，個個都鍾意。
呢個餸啲汁肥仔好鍾意撈飯食。
薯仔炆雞翼
材料：
雞中翼 2磅
薯仔 3個
洋蔥 2個
蒜蓉 2湯匙
蠔油 7湯匙
清水 適量
老抽 適量
醃料：
豉油 適量
糖 適量
生粉 適量
老抽 適量
油 少許
做法：
1.
將雞中翼醃好後去炸或煎至表面金黃色。
2.
薯仔去皮切件，拎去炸或煎。
3.
爆香洋蔥，再加入蒜蓉後，落雞中翼炒一陣。
4.
加入薯仔、加水至差不多淹蓋鑊中的食物，加入老抽，蓋上鑊蓋。
5.
水滾後加入蠔油，再關至細火慢慢炆20分鐘，即成。
貼士：
l 薯仔可以唔炸，但炸後令薯仔不易爛。
2018年5月19日星期六
野餐+吹泡泡@觀塘海賓公園
這幾天都問小王子放假去街嗎？佢既答案永遠是〝唔去，係屋企打機。〞
我唔想佢放假就在家打機，加上今日天氣好，所以等老公晏啲起身就去啟德郵輪碼頭。
我再問小王子去唔去街，答案一樣，但我話我地去野餐同吹泡泡，佢立即話〝好丫〞。
老公話去果到又要轉車，今日郵輪碼頭商場應該冇開冇冷氣，所以改去觀塘海賓公園。
外面好熱，我地3點幾先出發，搵個有瓦遮頭既地方開餐。
食左少少野急不及待去玩泡泡，雖然又曬又熱，小王子跳起話〝今日超級開心〞。
訂閱：
文章 (Atom)