十字包 (內附食譜)

老公小時候好鍾意食〝十字包〞，而家唔多見有售，但我從未聽過。

老公有次係娘家樓下麵包舖買見過買左一次食，之後就冇見過。

我記老公講過，雖然叫〝十字包〞，但係質地係麵包和蛋糕的混合體。

我都想整下氹下老公，網上搵食譜先。

我搵到個係中筋粉，而且係信徒的食譜，因十字包係喺關於耶穌嘅十字架的事蹟，所以跟整。

可惜不是老公以前食嗰款，佢話似鬆餅咁，唔係麵包嚟！

不過，小王子都   llike，我都覺得好食，唔知擺到明天會否仲好吃？

食譜可以整到12個，但會搓到手軟，加上唔知係咪老公要果樣野，就整4個試下先。

食譜又係用杯做單位，於是我又將它轉係克，咁樣方便好多。

奶我就冇用溫度計量，我只用手掂過微暖就算。

我都冇用晒啲奶就能成糰，所以大家到時要睇情況。

其實，上星期日，我都整過一次，不過，係奶份量出錯左，所以失敗左。

 

內裡組織都好靚仔架！

十字包

食譜來自：https://www.youtube.com/watch?v=jJadYmxulws

材料：4個

中筋麵粉                149克

暖奶                       91克 (45°C)

軟牛油（室温）     6克

黄砂糖                    15.8克 (我用左原蔗糖)

鹽                           1克

乾酵母                    3克

全蛋                        1/4隻 (12.75克)

蛋白                        1/4隻 (8.75克)

蛋黃                        1/4隻 (4克)

蜜糖                        10克

葡萄乾                    31克

肉桂粉                    1/4 湯匙  (我用落)

十字漿材料：

低筋麵粉                12.4克

溶化牛油                 1湯匙 (12克)

糖粉                        3克

牛奶                        1/4 - 1/2 湯匙 (隨意)

做法：

1.          把中筋麵粉、乾酵母、黄砂糖、鹽、肉桂粉、全蛋和蛋白放入手提或座檯式攪拌機，由慢速開始，慢慢加入暖牛奶，漸進增至高速，把材料攪拌成一麵粉團。

2.          再放進室温牛油，繼續攪拌至滑，麵粉團可張開成薄膜。

3.          將麵粉團倒入已塗油的大碗中，蓋上保鮮紙，置於溫暖的地方（如關掉的焗爐），讓麵粉團進行第一次發酵，發大至兩倍，約45 – 50分鐘。

4.          取出麵粉團，放在灑上麵粉的工作檯上，用拳頭按壓麵粉團，擠出空氣，壓平，再加入葡萄乾，搓至平滑。

5.          把麵粉團分成 4等份，並搓成小球形，排放在已塗油的焗盤中，每個距離約1 cm。

6.          用保鮮紙或廚巾蓋好，再靜置約30分鐘，讓小麵粉團繼續發酵。

7.          預熱焗爐至華氏175度。

8.          預備十字漿：將低筋麵粉和糖粉過篩，然後與溶化牛油拌匀。如粉漿太濃稠，可酌量加 1/4 - 1/2 湯匙牛奶。把粉漿轉至裱花袋中備用。

9.          蛋黃與蜜糖拌匀成蛋液，將少許蛋液塗在發酵完畢的小麵粉團上面，然後在麵粉團上擠上十字粉漿，畫成十字。

10.        放入已預熱的焗爐中，約焗 15至20分鐘，或直至麵包熟透，表面呈金黃色即成。

11.        取出待冷却後即可食用。

小貼士

·         烘焗麵飽，使用量杯量出材料，份量更為準確，效果更佳。

·         薄膜：用手將麵粉團擴闊張開，有如一塊半透明的膜，製成品會較鬆軟可口。

·         預備少許麵粉在碟上，以方便灑在工作檯上，或防止手黏上麵粉團。

英女皇英式茶餅 English Tea Scones (內附食譜)

老公好鍾意食KFC蜜糖鬆餅，但係越來越貴又唔好食，仲細件左好多，我一見到有鬆餅食譜就會整比佢食。

前排英女重御用廚師公開左皇家的鬆餅食譜，當時已列入的我的To Do List。

今日終於抽到時間整，其實，整就好快，但我要將原食譜用杯的份量轉做克，就用左好多時間。

我整左食譜1/4的份量，真係有點後悔，應該要整多啲。

做法我參考左〝通少〞和〝點Cook Guide〞，下面有連結。

我拎鬆餅問老公食唔食，佢話唔食，我話係鬆餅啵！佢立即拎左，仲好快食晒！

老公話好食，比KFC仲好食，不愧係英女皇鬆餅。

以下是過程遇到的情況：

• 我將牛油磅好放回雪櫃，到要用自拎返出來，然後用杓用切既方法。
• 我只用左39克牛奶就成糰，但每隻粉吸水唔同，自己要留意下。
• 我用175度焗左約8分鐘，見唔多上色，轉180度焗埋餘下時間，一共焗左20分鐘。

老公話唔搽野仲好食。

英女皇英式茶餅  English Tea Scones 

食譜來自：https://www.youtube.com/watch?v=G5TuRZq0tko&feature=youtu.be

參考做法：https://www.youtube.com/watch?v=Wp47ytna6Y4

參考做法：https://www.youtube.com/watch?v=hIjwJphKlqE

材料：4個~2吋

中筋麵粉                  112.5克

牛油 (凍)                  28.25克

砂糖                           30.25克

泡打粉                       1茶匙

雞蛋                           1/4隻

牛奶                           39克 - 290克

葡萄乾                       1/4杯（如果製作水果烤餅）

蛋黃                           1/4個 (上色）

做法：

1.       預熱焗爐175度。

2.       在一個大碗中，加入麵粉，發酵粉和糖。

3.       加入黃油，用刮刀在兜內切黃油像麵包屑一樣。(最後用手檢查一下)

4.       在中心打一口井，然後加入打好的雞蛋和大約3/4杯牛奶。

5.       用手摺疊成糰，以確保不要過度混合，否則使麵團實。

l   如果麵糰有點乾，則逐漸添加剩餘的牛奶。

6.       枱上撒少許麵，將麵團攤成大約1英寸厚，用2英寸圓形餅乾切成小塊。

7.       放置在相距約1英寸的烤板上，掃上蛋黃。

8.       用175度，烤約15-20分鐘。

9.       出爐後，提起金屬絲架冷卻。

紐約芝士餅 (內附食譜)

我初接觸烘焙時已經想整，因為我係芝士控嘛！

這款蛋糕要用酸忌廉覺有點麻煩，因酸忌廉唔常用，用唔晒怕擺到過期會浪費左。

上次整〝Mr. CHEESECAKE 基本的乳酪蛋糕〞用剩左，所以造就我尋日開工整。

酸忌廉剩返70克，食譜話多少隨意，所以糖的份量我按食譜比例計算。

今日拎返娘家一齊分享，都頗受歡迎，好快就沽清。

蛋糕好食，唔太甜，冇用檸檬都帶點酸味，應該來自酸忌廉。

這個蛋糕不用打蛋器，我只係用橡皮杓就攪掂~超方便。

我用左6吋蛋糕模整，焗既時候有爆面，見爆面就改放中下層。

焗左30分鐘，用牙籤篤唔熟，又放回中層，改120度焗多10分鐘就熟晒。

好在表面要舖酸忌廉，所以見唔到爆。

小王子要我用多啦A夢有背景~哈~哈~！

紐約芝士餅

食譜來自：http://bonniechu.blogspot.com/2012/11/blog-post_21.html

 芝士餅材料：6吋~1磅芝士餅 

卡夫牌忌廉芝士                300克

糖                                        52克

牛油                                    30克

雞蛋                                     83克

餅面配料：

酸忌廉                                約100克（多少隨意）

糖                                         約20克（多少隨意）

做法： 

1.          所有材料放室溫至暖及軟身。

2.          放入忌廉芝士及糖拌勻。

3.          牛油用微波爐弄融，再續少加入芝士內。 

4.          雞蛋略拌勻（但不要打發起），再續少加入芝士內。

5.          攪拌至軟忌廉狀。

6.          放入已塗上牛油之焗盤內，用手輕微拋芝士盤在板上幾次，至氣泡被震。（穿不了的氣泡可以牙籤弄穿）

7.          平滑的芝士，放入焗爐用１４０度焗３０分鐘（用手指輕碰餅面不沾手指，餅中間按下時像海綿般即成）。若中間未熟，可以轉１２０度火再焗多十分鐘至熟，最重要用慢火焗熟餅心，不要弄焦。（若餅面太焦可蓋錫紙調至１００度焗至熟為止）

8.          焗完後的芝士餅，拿出乘涼，或可放入雪櫃冰箱１０分鐘。   

9.          用酸忌廉加糖拌勻，調至自己喜歡的甜度便可．塗在餅面上（餅邊留半吋位不要塗），再放入焗爐用上火焗３分鐘至酸忌廉變暖即成。  

菠蘿蛋糕 Pineapple Pound Cake (內附食譜)

這是另一款我喜歡的懷舊蛋糕，之前失敗左2次，係加蛋時出現油水分離。

我都問過食譜創作人，經過提點後情況好左，但都係油水分離。

尋日整〝荷蘭撻〞成功左，見做法都差不多，所以今日再挑戰過。

今次真係成功左喇！

蛋糕放涼取出來，發現個蛋糕模有好多油，真係有點嚇親。

我就冇食，因為夜，叫老公試食左一舊，之後又食多舊，佢話同平時蛋糕一樣。

菠蘿蛋糕 Pineapple Pound Cake

食譜來自：https://mrsblackcat.pixnet.net/blog/post/269412938

材料：5件 (2.5吋 x 6吋蛋糕模)

蛋糕體材料：

牛油                         100克

糖粉                         80克 (幼妯的糖粉較易拌溶，沒有的造可以一般砂糖取代)

雞蛋                         2隻

低筋麵粉                 100克

罐頭菠蘿                 1圈

罐頭菠蘿水             25毫升 (也可以用菠蘿汁或牛奶取代)

亮面果膠：

杏果醬                     1湯匙

熱水                         1湯匙

備註：牛油和雞蛋必須事先從冰箱取出，放室溫才使用，否則很難拌勻。

做法：

1.          罐頭藤蘿用廚紙印乾水份，切3等份，每片再薄切成兩片。

2.          室溫軟化牛油放在攪拌盤中，用膠刮刀拌成軟滑的狀態。

3.          加入糖粉，拌勻。

4.          逐少倒入打散的蛋液，每次拌勻才再添加，拌成軟滑的麵糊。

5.          篩入低筋麵粉，輕手混合均勻。

6.          倒入菠蘿水，拌勻。

7.          將蛋糕麵糊倒入鋪上烘焙紙的蛋糕模中，抺平表面，放上菠蘿片。

8.          將蛋糕送入已預熱160度的焗爐，烤30-40分鐘。

9.          等待烤蛋糕的時間，準備亮面果膠。

10.      將杏果醬和熱水混合，攪拌均勻。

11.      以竹籤測試並確定蛋糕烤熟，出爐後，趁熱塗上亮面果膠。

12.      蛋糕放涼後，可以切成小塊享用。

貼士：

l   攪拌的過程一定要輕手，且最好用切拌的方法，若大力打圈的攪，麵糊會起筋，成品會硬硬的。

l   竹籤在蛋糕中央插入再抽出，沒有黏沾就是熟，若有黏沾，可以再烤5分鐘再試。