翻版嘉頓孖寶蛋糕 (內附食譜)

嘉頓孖寶蛋糕是我童年回憶~我超鍾意食。

這個食譜我收藏多年，尋日終於拿出來試整。

我冇食譜的幼原蔗糖，改用左太古的〝天然原糖〞。

我滿心期待，終於等到放涼試食，但覺得不是太似。

孖寶蛋糕係牛油蛋糕，可能少了牛油香味，但唔用牛油又真係健康啲。

今日再食發覺果種味道似曾相識，原來要擺一日架！

我略嫌提子多左啲！但都唔緊要，最緊要係童年回憶返來喇！

翻版嘉頓孖寶蛋糕

食譜來自：https://www.facebook.com/groups/592570864094832/permalink/1972351369450101/

材料：(約6個小或4個大)

低筋麵粉                                  100克

無鋁泡打粉                             3克

幼原蔗糖                                  40克

大雞蛋                                       1隻

脫脂純乳酪 / 牛奶            70毫升

淡味油                                       40克

提子乾 / 紅莓乾                 60克 (用凍滾水浸15分鐘，揸乾水備用)

或

入爐朱古力粒                        60克

做法：

1.           預熱焗爐至175度。

2.           低筋麵粉+泡打粉混合均勻過篩，備用。

3.           用打蛋器低速將雞蛋和糖攪拌均勻至淡黃色。

4.           加入油用打蛋器混合均勻。

5.           過篩粉類及乳酪分2次加入混合均勻。

l   混合過程盡量避免過度攪拌造成麵粉產生筋性影響口感。

6.           最後將提子乾或入爐朱古力混合均勻。

7.           麵糊裝至8分滿。

8.           表面放上糖水櫻桃或隨意灑上入爐朱古力做裝飾。

9.           放入已經預熱焗爐，中焗大約19分鐘，至竹籤插入沒有沾黏的程度取出放涼即可。

紫薯戚風蛋糕 (內附食譜)

尋日心血來潮睇朱Sir新出的紫薯戚風蛋糕，原來係用紫薯粉又幾方便啵！

之前冇睇係因為我唔食番薯，所以冇興趣。

明天是母親節，今日提早一日回娘家吃飯。

我整左〝巴斯克焦香芝士蛋糕 Basque Burnt Cheesecake〞 啱後生的，今朝就整呢個蛋糕比阿媽食先。

大家食完晚飯，抖左一陣我就拎個蛋糕出來切，真係得阿媽一個食，其他都吃巴斯克蛋糕。

肥阿哥就對2個都冇興趣，而我都切左一舊薯紫拿回家明天食。

阿媽好鍾意食個蛋糕，佢話好軟熟，仲話明天帶出去比細舅父和舅母試。

整的過程：

• 我是用6吋戚風加高模。
• 放倒數第二層焗。
• 焗完30分鐘都未熟，再焗多10分鐘。

紫薯戚風蛋糕 Sweet Potato Chiffon

食譜來自：https://www.youtube.com/watch?v=MZMxM3ppUZw

材料：6吋

日本紫薯粉                25克

食用水                        90-150克

液體油                        32克

新鮮檸檬汁                10克

蛋黃                            60克

低筋麵粉 (過篩)        60克

原蔗糖                       12克 (可用白砂糖代替)

蛋白                            4隻

原蔗糖                       38克 (可用白砂糖代替)

做法：

1.      日本紫薯粉+食用水+液體油+新鮮檸檬汁先拌勻。

2.      加入蛋黃、原蔗糖拌勻。

3.      加入低筋麵粉拌勻。

4.      蛋白用高速打起。

5.      蛋白的泡沫開始變得幼細時慢慢加原蔗糖。

6.      打至濕性就轉中速繼續打，把蛋白打得更細緻。

7.      蛋白打王大約8成硬。

8.      先把1/3蛋白霜混入紫薯麵糊拌勻。

9.      再將1/3蛋白霜混入紫薯麵糊拌勻。

10.  略為拌勻後再加入最後的蛋白霜。

11.  拌勻後倒入蛋糕模中。

12.  搖一搖，震一震可以入烤箱。

13.  用150度，焗30分鐘。

14.  拿出來之後輕摔幾下，然後倒扣，自然放涼。

15.  完全放涼後把它反轉，脫模。

貼士：

·         紫薯粉的吸水力不同，按食譜的水量作出調節。

巴斯克焦香芝士蛋糕 Basque Burnt Cheesecake (內附食譜)

今日回娘家吃飯，剛好又要清左雪櫃舊Cream Cheese，娣婿與大姪仔都好鍾意食芝士蛋糕的。

今次跟MoLaLa Cook整巴斯克蛋糕，我覺得個蛋糕甜左少少，蛋糕好滑。

每次蛋糕都會有剩，剩的姊婦會之後再慢慢品嚐，可是今次係清晒。

蛋糕我放焗爐倒數第2層，我見上色仲有2分幾鐘，就由焗爐取出，怕會太燶。

巴斯克焦香芝士蛋糕 Basque Burnt Cheesecake

食譜來自：https://www.youtube.com/watch?v=-QHEKDJsAjo

材料：6吋

忌廉芝士                          250克

淡忌廉                             70毫升

砂糖                                   60克

蛋                                     2顆

低筋麵粉 (過篩)            10克

做法：

1.          蛋糕模舖上烘焙紙。

2.          忌廉芝士打至軟身。

3.          加入砂糖打至混合。

4.          用刮刀將盤邊刮去中間，再打至順滑。

5.          加入一隻蛋打至混合均勻。

6.          再加入一隻蛋打至混合均勻。

7.          用刮刀將盤邊刮去中間。

8.          加入淡忌廉打至混合均勻。

9.          加入低筋麵粉用刮刀拌勻。

10.      蛋糕漿倒入蛋糕模內，輕敲2下。

11.      用210度，焗30分鐘。

12.      室溫冷卻後，脫模。

13.      包裝好，冷藏一晚。

蔥香豬肉炒飯 (內附食譜)

明天有事做，將小王子晝晝堂改了今天。

今日我決定lunch係自煮，因為每星期都出去食真係有點膩。

我和老公送左小王子去晝晝就去買餸，然後再去接回，再回家。

尋日就睇左Masa老師的新作炒麵，但麵太肥，搵左舊作炒飯。

我炒豬肉片時發覺好油丫！豬肉片太肥了，好在整一人份，我地一家三口分。

我唔係唔比飽飯老公和小王子，一人炒飯要3個人食，仲有〝吐司Pizza〞和〝奶酥厚吐司〞的。

大家都覺個得炒飯好味，老公話係鹹左少少，可能我落多左鹽，最後調味只落黑胡椒就可以。

蔥香豬肉炒飯/Negi&Shio Pork Fried Rice/ネギ豚チャーハン

食譜來自：https://www.youtube.com/watch?v=W-R9mZDFR6s

材料：1人份

豬肉片                      100克

萵苣                           1張

白飯                           180g

雞蛋                            1個

調味料：

蔥                                2支

蒜頭                           1粒

薑                                 5克

清酒                           1大匙

砂糖                           1小匙

鹽巴                           1/2小匙

黑胡椒                      適量

檸檬汁                      1小匙

白芝麻                      1小匙

麻油                           1大匙

做法：

1.       蔥白切碎，加入碗中。

2.       青蔥切粒，加入蔥白中。

3.       蒜磨成泥加蔥中。

4.       薑磨成泥加入蔥中。

5.       加入調味料混合。

6.       豬肉片切小塊加入一湯匙調味料混合醃10分鐘。

7.       萵苣切成小塊。

8.       蛋打散。

9.       油下鑊炒醃豬肉片，炒到金黃色，預防炒過頭先倒出來。

10.   油下鑊，加入蛋炒，讓蛋吸收油分。

11.   加入白飯炒，用鑊鏟微微壓，讓蛋的油分擠出來。(白飯冷、熱都可以)

12.   再用切的動作把雞蛋均勻散開，可預防米飯黏在一起。

13.   加入生菜炒。(盡量用大一點的火力，把生菜多餘的水分去掉)

14.   加入鹽、黑胡椒炒勻。

15.   醃豬肉片回鑊炒勻。

16.   最後加入蔥鹽醬調整味道。