我知道全部都係現成買回來，但我都要處理既。
點解我都寫食譜？係，方便我自己下次整睇翻有個記錄啫！
小王子個漢堡係得包和肉，所以係冇咩特別。
老公話吉之島果塊好多筋，反而街市買的好食啲。
上面果塊係吉之島買，下面2塊係街市買，反而街市好食啲。
黑毛和牛漢堡包
材料：(2人份)
黑毛和牛漢堡 2塊
漢堡包 2個
洋蔥 80克 (細洋蔥半個)
啡蘑菇 66克
蕃茄 2片
植物牛油 適量
調味：
鹽 適量
黑椒粉 適量
做法：
1.
洋蔥、啡蘑菇切條。
l
粗幼隨個人喜好。
2.
漢堡包切半，中間2邊抺牛油。
l
我用植物牛油，因為不用回室溫就用得，你也可以用一磚磚的牛油。
3.
放入焗爐中層，用175度，焗9分鐘至表面金黃和邊呈啡色。
l
焗爐不用預熱。
l
每個爐溫都不同，需自己留意。
l
此步驟可以用平底鑊代替。
4.
焗完後打開爐門，漢堡包繼續留在焗爐內保溫。
l
不要關門，否則麵包會烤過火。
5.
燒熱鑊和油落洋蔥，洋蔥炒至焦色加入啡蘑菇炒。
6.
加入鹽和黑椒粉炒至軟身，備用。
l
你可以中途加蓋，加速洋蔥和啡蘑菇快點軟身。
7.
將黑毛和牛漢堡煎熟。
l 不用太多油煎，因為和牛會出好多油。
8.
漢堡包底果塊表面再抺牛油。
9.
放上洋蔥啡蘑菇、蕃茄、和牛漢堡、蔥啡蘑菇，即成。
l 次序和餡料隨個人喜好，不一定與我一樣。
