腰果曲奇 𝒞𝒶𝓈𝒽𝑒𝓌 𝓃𝓊𝓉 𝒸𝑜𝑜𝓀𝒾𝑒 (內附食譜)

尋日除左整〝蜂蜜海綿蛋糕〞仲有整左呢款曲奇。

今日BBQ，我拎左一啲同朋友分享，怕拎太多會食唔晒。

朋友都話好味，我覺得加多一點腰果好似好啲。

食譜係用約7吋四方慕絲圈整，但我得7吋半和5吋，2個模都試過，最後用5吋模。

我的模比較細，所以做出來的曲奇約二十塊。

我的腰果係係樓上買有鹽的，出來味道冇鹹味。

腰果曲奇 𝒞𝒶𝓈𝒽𝑒𝓌 𝓃𝓊𝓉 𝒸𝑜𝑜𝓀𝒾𝑒

食譜來自：https://www.facebook.com/jeffreylao88/videos/460368781954362

材料： 約50塊

無鹽牛油                         135克

糖粉                                  60克

蛋白                                 15克

低筋麵粉 (過篩)             180克

鹽                                     1克

腰果                                 50克

做法：

1.      腰果用175度，焗8分鐘。

2.      腰果放涼後略切細粒。

3.      牛油用刮刀拌勻。

4.      加入糖粉用刮刀混合，之後用手動打蛋器攪拌均勻。

5.      加入蛋白攪勻。

6.      鹽、腰果、低筋粉加入麵糊中用刮刀攪拌成糰。

7.      麵糰放入模具內，然後放-18度雪30分鐘定型。

8.      取出麵糰切長方型，放入焗盤。

9.      用190度，倒數第2層，焗18分鐘。

蜂蜜海綿蛋糕 (內附食譜)

今日我又放假了，一早就跟呂昇達老師整這個蛋糕，不過我只整左一個。

小王子一邊上網課，我就一邊焗蛋糕。

我在用170度焗到最後2分鐘已見上色，就直接降至160度焗到最後。

我試食左鬆軟，但質感與平時的不同。

我唔知是否忘記落用食譜一半鹽的份量，所以覺得蛋糕帶點鹽味。

老師話打蛋要打到用手指沾起大約3~5秒不滴落的程度，我就懶冇用手指，用打蛋器試。

最後我發現用打蛋器與手指測試係有分別，所以都係用手指測試會準確一點。

明天BBQ，可以帶去與朋友一同分享了。

蜂蜜海綿蛋糕

食譜來自：https://www.facebook.com/groups/327439060965170/permalink/1360154961026903

材料：6吋圓形固定模 2顆

雞蛋                                250克

蛋黃                                20克

砂糖                                120克

蜂蜜                                40克

鹽                                    2克

低筋麵粉 (過篩)           150克

鮮奶                                30克

做法：

1.      雞蛋、蛋黃、砂糖、蜂蜜、鹽隔水加熱至38~42度。

2.      使用攪拌器打發，用手指沾起大約3~5秒不滴落的程度。

3.      低筋麵粉分次加入拌均。

4.      最後倒入鮮奶輕輕融合均勻。

5.      用170度， 烘焙15~20分鐘。

6.      上色之後降溫。

7.      用160度， 烘焙 10-15分鐘。(用竹籤測試中心點是否熟透)

古早味光酥餅 (內附食譜)

尋晚整光酥餅，砂糖唔夠加左細砂糖，而家中一粒砂糖都冇了。

我不論光酥餅或西樵大餅都喜歡，小時候有時買來做早餐添！但我唔知道2者分別係邊。

食譜可以整到4個，我拎一個回公司吃，老公就拎3個回公司，2個請同事。

老公和同事的意見是表面唔夠粉和唔夠硬。

同事更加話佢食開果啲好大冇咁細，我話佢果種叫〝西樵大餅〞。

唔夠硬可能係我搓得唔夠實，而粉方面怕多得滯拍走左啲粉。

下次我知點做架喇！因為我和老公都喜歡食光酥餅，所以會再整。

古早味光酥餅

食譜來自：https://www.youtube.com/watch?v=6MXChcMrk9o

材料：

低筋麵粉 (過篩)                165克

泡打粉 (過篩)                     5克

臭粉 (過篩)                          3克

蛋液                                          17克

牛奶                                          65克

白砂糖                                     80克

豬油                                          10克

手粉 (高筋麵粉)                     適量

做法：

1.       粉類過篩攪勻。

2.       加入蛋液、牛奶、白砂糖、豬油把所有材料拌勻。

3.       初步混合後，蓋上保鮮紙，等30分鐘。(等麵粉和液體吸收一下)

4.       枱上灑上適量手粉，然後放上麵糰。(麵糰比較黏手，小心一點就可以)

5.       麵糰表面再灑上一層薄薄的手粉，用手搓長。

6.       分割成4份 (每個約85克)，麵糰搓圓，放在焗盤上，稍為壓扁就可以。

7.       入爐前灑上薄薄的高筋麵粉。(不用太厚，若厚用手印一印走一些就可以)

8.       用130度，焗30分鐘。

如何判斷熟未：

·         可以看見祗部呈啡黃色。

·         焗完30分鐘後，摸一摸餅面硬硬地就可以出爐。

貼士：

• 麵糰比較黏手，所以因此而加大量麵粉式扣減液體。
• 用梳打粉代替臭粉就冇左光酥餅特有的味道。
• 特別靚或特別黃的雞蛋唔建議混入光酥餅中，因為光酥餅主要是偏白為主。

忌廉溝鮮奶 (內附食譜)

小時候，我好喜歡飲的〝忌廉溝鮮奶〞。

早餐有時阿媽會帶我地去家樓下的茶餐龐食早餐，在茶餐廳有時會整〝忌廉溝鮮奶〞比我地飲。

我地係茶餐龐食到好相熟，所以不會被鬧。

忌廉溝鮮奶味道不是時時一樣，有時好好飲，而有時就一般。

佳因忌廉或鮮奶的比例不同，味道就會唔同。

今晚我整左〝忌廉溝鮮奶〞比小王子試，後生的應該唔知係咩來。

其實，尋晚都有整，但應該比例唔太好，因為佢比較喜歡今晚的。

忌廉溝鮮奶

材料：

忌廉汽水                      300毫升

鮮奶                              100毫升

做法：

1.          忌廉汽水倒入杯內，再撞入鮮奶。

金罐牛油曲奇 Golden Churn Butter Cookies (內附食譜)

金桶開左未用晒，見到海沙媽媽呢個食譜立即跟整。

我整左一半份量，成品都有30粒。

焗完放涼左一陣先行去發涼架，但感覺有點立立地，好似唔熟咁。

我個心一直都好驚唔成功，待完全放涼試食，好在熟既。

這個曲奇唔甜帶點鹹，應該因為是用了金桶的關系。

金罐牛油曲奇 Golden Churn Butter Cookies

食譜來自：https://www.youtube.com/watch?v=HUf9ARGVOvo

材料:（約50塊份量）

金罐牛油（室溫）              225克

糖                                          50克

低筋麵粉  (過篩)                136克

高筋麵粉 (過篩)                  90克

鷹粟粉 (過篩)                       46克

做法:

1.       金罐牛油、糖用電動打蛋器中速打約3至5分鐘至奶白色。(記得定時用刮刀將兜邊的牛油刮下，再打，這樣才打得均勻。)

2.       加入全部粉類，用刮刀拌勻至無粉粒。

3.       倒入已放唧嘴的唧袋，唧出玫瑰花狀。

4.       用170度，中層焗約15至18分鐘至表面金黃就可以。

·         需根據曲奇大小、厚度，及自己焗爐脾性而自行調節爐溫或時間。

5.       取出焗盤，敲一下枱面。

6.       曲奇稍涼後才可以移動，放上放涼架上。

7.       完全放涼後，立即放入真空容器保存。

吐司Pizza (內附食譜)

小王子好鍾意食菠羅煙肉Pizza，每次去薩利亞都叫，但要趁朋友聚先可以叫，因為麻煩老公唔like吃 。

小王子有時都想整，但我又嫌麻煩，雖比麵包快，但都係要等發酵。

今日我都諗到個好方法，其實好多人都識，但我都想介紹下。

我買嘉頓厚方包，一包有4塊果款。

咁樣就變左我呢個懶人，又可以氹到小王子的快速方法。

小王子食得好開心丫！仲話明天都要食。

配料和份量又係隨個人喜好，我的只是比大家作為參考。

吐司Pizza

材料：(3人份)

厚吐司                          3塊

茄膏                              適量

Mozzarella Cheese       適量

配料：

粟米粒                          適量

煙肉                              2片

罐頭菠蘿                      2片

做法：

1.          開上下火，用225度預熱焗爐15分鐘。

2.          粟米粒隔去水份，備用。

3.          煙肉闊度隨個人喜好條。

4.          罐頭菠蘿隨個人喜好切件。

5.          將罐頭菠蘿、粟米粒在平底鑊烘乾一點。

l   不用加油。

l   此動作可避免焗時出水弄濕吐司。

6.          煙肉略炒。

l   不用加油。

7.          茄膏塗滿吐司表面，加上少許Mozzarella Cheese。

l   加芝士目的是想將麵包和配料黏住。

8.          加上配料，再加Mozzarella Cheese。

l   不要放太多配料，食既時候配料會掉落。

9.          關掉下火，放中層焗至表面金黃和麵包脆即可。