有型農莊@2‧2022

由於疫情，我已好耐冇去露營了。

今次同肥阿哥一家和肥仔一家去玩，我地3家人第一次一齊去露營。

之前搵左好耐租營地既地方，我搵到呢間比較平。

之前肥阿哥去果啲覺得有點貴，因為佢渣埋車去，不過，這間有型農莊都可以泊車。

我用What's app與他溝通，落左$300按金，尾數可以網上過數或者當日到營地才付。

收費：

大人：$200/人

小朋友 (4-11歲)：$100 /人

夜泊：$100/架

*入營下午2點，第2日12點離營。

地方唔算大，右邊相係可以租爐BBQ的，有枱、櫈、雪櫃和飲用水供大家使用，亦有位可以洗碗，當然要愛惜。

啡色就係肥阿哥個營，藍色就係我的，而另個就係肥阿哥借比肥細佬用，不過都送比佢，因為佢有新的營。

營地負責人見肥阿哥個營咁大，原本旁邊留左個位比2人營，而家都比埋我地用，不會安排其他人。

札好營，小朋友就去玩。

肥阿哥買左啲DIY比小朋友們一齊做手工。

整完就係一架會郁的飛機，小王子的緊係老公執手尾，其他老公都有執手尾，但唔知點解只得小王子架飛機可以郁。

之後又走去踢波，小朋友活動無限。

尋晚我整好〝爆漿芝士麵包〞擺左雪櫃，我今朝整左煎熟佢。

我見已經set好煮食的位置，就翻熱比大家食，原本諗住明天早餐，但怕唔夠時間，所以都係而家食，始終係翻熱，所以會燶啲。

我之前好努力烘焙，整左〝杏仁椰蓉酥〞、〝熟成檸檬磅蛋糕〞、〝柯基抖臀蛋〞和〝Subway風巧克力燕麥片餅乾〞就係為了今天的露營比大家食。

小朋友玩魔力橋太嘈又多爭吵，所以都係由大人玩喇！

大人接手後，小朋友就走晒去網吧。

眨下眼就夜晚了。

又係到開餐時候喇！阿嫂煎羊架、牛扒、腸仔。

我就負責整串燒，仲想燒新鮮菠蘿，但今早落街去過吉之島，職員話咁早未有切左既，街市又冇，去惠康有，不過要自己刨皮又有點難度，之前試過一次去釘好煩，而且近排成日切到手有點陰影。

今朝落街仲買生果，但冇咩好買，只係買左西梅和柑。

4

為這次露營專登去Donki買2支冇酒精香賓，等小朋友開心一下。

原本雞軟骨和雞寸都係宵夜食，但飲完香賓都係食埋佢~哈~哈~！

食完緊係要洗野，這個架幾好，洗完就曬乾。

第2日起身了，刷完牙回來個太陽冇頭先咁靚。

大家都拎左零食來，仲有呢啲未食，我尋日都食左好多。

早餐食餐肉福麵。

小王子開餐喇！我唔客氣了。

阿嫂整Pancake，呢款森永勁方便，全部材料倒入個袋到搖勻就煎得。

食埋早餐就要執野走人，真係有點趕，之前自己搵地露營食埋早餐，仲可以慢慢執野離開。

不過，呢到幾好，我地過左時都冇被趕走，因為我地執緊野唔係仲係到食野或者玩。

由於呢到幾好，所以我地都book定下一次了。