香港朗廷酒店‧BE@RBRICK SUMMER CHILL夏日派對

今日為左小王子學校生日蛋糕請左一日假，所以今日就約朋友去食buffet。

我地揀左去香港朗廷酒店，原來呢間5歲以下係免費，真係好。

小王子食咩咁專心，咁就緊係雪糕喇！正餐佢都冇興趣既。

都好多種類，味道和質素都唔錯，價錢又唔貴，而且openrice有coupon，仲有7折。

小王子話要食呢啲，但最終有好多野都落左我個肚到。

我自己就呢啲，當然唔止食左咁少喇！不過，甜品係食左一碟啫！

尋日打來re-confirm 時問佢生日有咩送，佢話有蛋糕送，雖然小王子不收費，但都有得送，不過，差不多埋單時才記起有蛋糕。

朋友聚會完，我就帶住小王子去〝BE@RBRICK SUMMER CHILL夏日派對〞，睇blogger話付費可以玩遊戲見唔係貴就去玩下，點知去到原來星期六、日先有得玩，影左幾幅相就走人。

小王子以為可以取出來。

帶佢去龍貓間舖睇下，雖然去過，但舒緩下佢既情緒，因為小王子話我厄佢，都冇遊戲玩既。

跟住小王子話要去接爸爸放工，到左爸爸公司果區時間尚早，去左麥麥食雪糕和薯條，再去爸爸公司附近去放下電，然後接放工一齊回家去。

生日會@K1

終於等到了，小王子成日問幾時到佢係學校開生日會，今日就係佢學校生日會。

尋晚已經整好個8吋海綿蛋糕，再整埋〝輕盈莎利蛋糕〞，成點幾先至瞓。

今朝又6點起身整埋個裝飾，都攪左個幾鐘，跟住又趕住叫小王子起身和換衫。

〝輕盈莎利蛋糕〞送給學校老師們，而〝美式軟曲奇〞就合同學們。

相中份量只是一少部份。

小王子起身見到個蛋糕好開心，即刻攬住個蛋糕盒，又話好鍾意丫！

頭先冇時間，送完佢返學要整埋返頭先用過既野。

接小王子放學時，佢話同學仔話個蛋糕好靚，我聽到都好開心。

榨菜蒸牛肉 (內附食譜)

尋日阿媽來電叫我今日煮〝洋蔥豬扒〞和榨菜蒸牛肉，榨菜蒸牛肉都好耐冇煮~OK。

我以為阿媽買一舊舊榨菜，原來佢買一包包現成切埋果啲，都好慳返啲功夫。

這個餸~快~靚~正。

榨菜蒸牛肉

材料：

牛肉                                          2/3碗

榨菜(包裝，已切)              4包

醃料：

糖                             1/2湯匙

豉油                        1/2湯匙

生粉                        1茶匙

油                             1/2茶匙

水                             1湯匙

做法：

1.       牛肉用醃料醃半小時以上。

2.       榨菜放在碟底，然後放上牛肉。

3.       中火蒸5分鐘，即成。

洋蔥豬扒 (內附食譜)

好多年前睇阿蘇教煮餸學識的，好多時諗唔到煮咩就會整，因為簡單。

煮到肥阿哥問我仲有冇其他識煮，今日阿媽又order我煮呢個喇！

醃料和醃法我都改左，因為懶，改左出來效果一樣，做野簡單啲好。

我在家通常都醃過夜，但在娘家就最少會醃30分鐘以上。

這個汁好好用，有時用洋蔥煮野都會用呢個汁，太方便又簡單了。

洋蔥豬扒

材料：

豬扒                    7塊

洋蔥                    2個

醃料：

生抽                    適量

糖                         適量

老抽                    適量

水                         適量

油                         適量

汁料：

糖                         適量

老抽                    適量

做法：

1.       豬扒洗淨，用刀背拍鬆，瀝去水份。

2.       用醃料醃30分鐘或以上。

3.       爆香洋蔥，加入糖爆炒，再加入老抽爆炒，盛起備用。

4.       中火煎熟豬扒，用交剪將豬扒剪小件，形狀大小隨意。

5.       加入洋蔥一起炒勻，試味，即成。

貼士：

·         唔夠汁可以加水，再加生粉茨就可以。

下水禮 2018

小王子一向都唔鍾意游水，佢話啲水好凍，但尋日佢同老公講話要學游水去比賽。

今朝10點幾收到阿B電話，阿B話肥阿哥約佢下午去會所游水，咁就一齊去游喇！
 
3個表哥都玩得好開心，唯獨小王子唔郁，肥阿哥帶佢去深水地方。

肥阿哥話個水泡細，小王子一用力就飲水，所以攪到佢怕左。

小王子去返淺水地方。

游游下落雨，啲人都走晒剩低我地冇走，大家都玩得好開心，除小王子。

轉個頭佢就上水，唔肯再落水，又話好凍，所以都冇強迫佢再游。

我冇等佢地游完就帶小王子返娘家沖涼了。

美式軟曲奇 (內附食譜)

上次整〝Mrs. fields曲奇〞都係麻麻地，所以今日又試另一個食譜。

經過上次經驗，這款曲奇唔係太多人鍾意，雖然老公鍾意食這款，但佢唔食朱古力，所以得我一個試。

由於太夜，所以明天先試食。

美式軟曲奇

食譜來自：https://yummiehk.com/blog/2017/09/13/%E7%BE%8E%E5%BC%8F%E8%BB%9F%E6%9B%B2%E5%A5%87/

  

材料：

中筋麵粉                                           160克

無鹽牛油 (Unsalted butter)             110克

黑糖 (Light brown muscovado)        85克

黃糖 (Dark Brown Soft Sugar)          35克

入爐朱古力/巧克力釘(少甜)           130克

雞蛋                                                   1隻

天然雲呢拿精華/香草精華              1茶匙

梳打粉                                               1/4茶匙

鹽                                                       1/8茶匙

做法：

1.          無鹽牛油放在室溫中至軟，加入黑糖和黃糖，先以手動略拌，以免材料飛散。

2.          再以電動攪拌器低速打勻，中途以長膠刮把盤邊的材料撥回中央，才繼續打。

3.          加入雞蛋及天然雲呢嗱精華拌打至均勻。

4.          麵粉、梳打粉及鹽過篩，分兩次拌入，中途以長膠刮把盤邊的材料撥回中央，才繼續攪打。

5.          加入朱古力釘，以膠刮拌勻。

6.          以挖水果球的勺子搯起麵糊，放在鋪了矽膠墊的烤盤上，每球麵糊約相隔一吋。如無矽膠墊，可使用烘焙紙/牛油紙，建議先噴灑些許水在烤盤上，讓烘焙紙/牛油紙可緊貼烤盤，才搯麵糊。

7.          把整盤曲奇麵糰放入冰箱冷藏室中(約攝氏4度)，冷藏15分鐘。同時預熱焗爐至160度，至少10分鐘。

8.          把整盤曲奇放入焗爐中，毋須解凍。焗12分鐘。

9.          焗完立即把曲奇取出，室温放涼至少10分鐘，暫勿移動，因剛出爐的曲奇非常軟，很易弄破。

10.      10分鐘後，可輕輕把曲奇反轉，讓底部也涼透，或可放在網格上風乾。

11.      涼透後的曲奇，需立即存入密封的器皿中保存。

Propro泡泡槍

今日來海賓公園係因為尋日來唔到之餘，仲係因為之前老公買左支Propro泡泡槍。

天氣好有風之餘又有好多人寫生，原來因為有比賽。

好在有老公支新泡泡槍，因為來到先發現舊的壞了。

嚟得緊係會野餐喇！

 我趁小王子和老公去左厠所先拎支Propro泡泡槍出來，起初都睇唔到，一睇到就笑笑口。

佢咁既樣係因為被我整蠱，佢拎極都拎唔到支槍，所以發脾氣。 

個樣幾新奇

開心到對大眼都冇左

 嘩~咩事又咁兇狼

將泡泡噴左係玻璃到，又玩一餐。

小王子都話要參加比賽喎！好努力晝晝晝，哈~哈~

特濃芒果布甸@無啫喱粉版 (內附食譜)

屋企有2個大芒果，尋晚就跟甜師奶食譜整左〝芒果布甸〞，今朝就收成。

我懶~冇拎個攪拌器來用，芒果只係用叉壓爛，所以個漿冇甜師奶咁稠。

我覺得魚膠可以再減些，而糖要係整既時候試味，因為甜左啲。

這個食譜冇上次〝奶香芒果布甸 (內附食譜)〞咁重奶味，質感就差不多。

特濃芒果布甸@無啫喱粉版

食譜來自：https://www.youtube.com/watch?v=Vwgu0fR4abk

材料：

芒果                       450克

糖                           80克

淡忌廉                   200克

牛奶                       100克

魚膠粉                   15克

水                           50克

芒果粒粒               適量

做法：

1.          水加入魚膠粉中撈勻。

2.          座入熱水中，座成液體，備用。

3.          芒果去皮、去核，加入糖。(芒果有甜有酸，請自行加減糖份)

4.          將芒果打成漿，加入牛奶撈勻，再加入淡忌廉撈勻。

5.          加入魚膠粉液體快手撈勻，然後加入芒果粒粒撈勻。

6.          潷起倒入容器中，噔幾下，冚上保鮮紙。

7.          放入雪櫃3小時以上，即可。