年初一@2022

今日大年初一，我又要回娘家做煮持，一早寫好Menu比大家。

前幾日已開始預備了，有啲材料就由阿媽負責。

今朝一早起身就好忙，因為我有幾樣要今朝整，預定11:30去到老爺家，攪到要12點幾先到。

上星期我就整左〝牛軋糖蘇打夾心餅乾〞和〝鳥結糖〞，點知唔受歡迎，佢地唔鍾意。

尋日整好左個麵糰放左係雪櫃，預備今朝整〝東律 Dougnut〞。

跟住又要整〝雷沙湯圓 Tang Yuan〞，而〝幻彩硫璃啫喱〞係尋日已整好，今日切件和包裝。

每次初一回到娘家就係煎〝蘿蔔糕〞和〝椰汁年糕〞，當然係煎我自家製的喇！仲有阿媽自家整的。

除左食糕，下星期肥細佬生日，所以我都整左個〝焗檸檬乳酪芝士蛋糕〞為他慶祝。

每次問家人有咩想吃，佢地都必定會話〝春卷〞，今次係肥阿哥order的。

老公入來廚房同我講春卷差不多已食晒了，嘩！我立即出去食留條先。

氣炸豬手，隻豬手係之前工展會買的，但肥細佬個氣炸鍋細，所以搵阿嫂幫手起肉落去氣炸，我一個人真係做唔到咁多。

〝香煎豬頸肉配泰式汁〞，不過就冇整泰式汁，用沙律醬就算，仲有炒飯。

與此同時又誠邀阿嫂幫手，整棉花糖串氹下小朋友，小朋友見到好開心。

我尋日預備左2個〝迷你Pizza〞麵糰，大家都食到好飽差啲都忘記左，不過只整左一個，大家都吃不下了，麵糰仲有一個留返娘家明天整。